فطيرة البطاطا والباذنجان وجبة كاملة متكاملة
تحية قلبية خالصة لكن حبيبات قلبي قوارير ديزاد باتنة
ان شاء الله تكن في احسن الاحوال ليكم وحشة يالغوالي..........
بدون اطالة فطيرتي مشبعة،وحدها راهي وجبة مع قليل من السلطة وكاس عصير اممممممممممممممم ولااروع
تفضلن المقادير مع الطريقة وطبعا بالصور:
العجينة:
250غ فرينة +100غ زبدة باردة مقطعة مكعبات مع الخلط حتى تصبح العجينة مرملة ثم نلمها بماء مثلج بارد به قليل من الملح
في كيس والى الثلاجة لمدة لاتقل عن نصف ساعة
نوجدو بطاطا مقلية +باذنجان مشوي(نقصوه دوائروندهنوه من الجهتين بالزيت ونشويوه في مقلة تفال)وممكن يكون مقلي (حاولت نقلل الدهون)+فورماج+من4الى 5بيضات
نعاودو نفس المرحلة بطاطا وباذنجان بالتناوب
البيض+2ملعقة حليب+ملعقة كبيرة فرينة مخلوطة بملح وفلفل اسود وكمون نخلط المزيج ونوزعو على الفطيرة ثم الى فرن مسخن مليح حتى تحمر الجوانب والبقية موضحة بالصور:
ملاحظة:
لمحبي الحار ممكن دخلو دوائر فلفل حاربالتناوب مع البطاطا والباذنجان يجي طعمها خيالي ،تجنبت الحار مراعاة للاولاد
بصحتكم حبيباتي ،لاتنسوني من صالح دعائكن
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
