البيتزا الايطالية وسر خفة العجينة

السلام عليكم ورحمة الله وبركاته
مساء الخير يا الزيناتhttp://www.dzbatna.com/images/smilies/dj_17.gifhttp://www.dzbatna.com/images/smilies/dj_17.gifhttp://www.dzbatna.com/images/smilies/dj_17.gif ان شاء الله كامل بخير وبصحة المعروف انوا الاغلبية يحب البيتزا خصوصا تع برا http://www.dzbatna.com/images/smilies/19.gifhttp://www.dzbatna.com/images/smilies/19.gifالعجينة تاعها تجي خفيفة وفارغة من الداخل
واليوم حبيت نشارككم بسر عرفتوا http://www.dzbatna.com/images/smilies/smile.gif في العجينة الايطالية والي بيها ثاني يجي السوفلي المهم منطولش عليكم ونعطيكم المقادير والسر ثاني بسم الله نبداو

المقادير:

العجيـــــــــنة

رطل فرينه (ممكن اكثر حتى تتلم الفرينة )
حبة بيض
فنجان تاي زيت
ملعقة كبيرة سكر
ملح
ملعقة كبيرة خميرة الخبز
ملعقة كبيرة حليب بودرة

3/4 كاس قازوز ابيض شفاف هادي هي الحاجة الي تخفف العجينة وعن تجربة
وكي تبقى يابسة نزيدولها الماء

الحشو :

صلصة طماطم واذا العجينة تاعك كنت راح تديري بيها سوفلي الصلصة تكون ثقيلة اما الصلصة الطماطم 3 حبات او على حسب الكمية الي رايحة تديريها تعمليلها علامة * x وتحطيها في طاوة وتخليها تغلي شوي مش بزاف باش تسهل عليك عملية نزع القشور وكي تنحيهم تقطعيها وتحطيها في مقلة مع حبة بصل مقطعة وملعقة صغيرة طماطم مصبرة وثوم وورقة رند وباقة عطرية تخليهم فوق النار حتى يذبلوا شوي وتنزعي الباقة العطرية وورقة الرند وترحيهم مليح بعدها ترجعيهم الى المقلة تنشف شوي من الماء وتزيديلها شوي زيت
انا هنا حبيت نقطعلها فلفل هادي الصوص درتها للسوفلي

http://www13.0zz0.com/2014/07/07/10/191692014.jpg

اما طريقة العجن وهي كالتالي :
نبداو البيض نخبطوه مليح ونزيدولوا السكر وحليب البودرة والملح وفي نفس الوقت نحطوا الخميرة مع شوي ماء وسكر في اناء اخر حتى تطلع شوي
ثم نظيفوا الفرينة بالشوي ونخلطوا وكي نشوفوها تخلطت مع الزيت والبيض مليح نزيدوا القازوز ميكونش بارد ونجمعوها و ونضيف الفرينة ونجمع ونضيف الماء الدافي ونجمع بالفرينة حتى تتلم العجينة متكونش جارية ولا يابسة

ملاحظة: الفرينة معندهاش كمية بالتحديد خاطر كاينة الي تشرب وكاينة الي لالا اما السوائل فنبداو بالقازوز ومن بعد كي نضيفوا الماء على حسب الفرينة ممكن ميكونش كاس حبيت نقول انوا السوائل والفرينة منتقيدوش بالكمية والعجينة متتدلكش تتلم فقط

نخلوها تخمر في اناء ونغطوها بفوطة مبللة ونحطوها في مكان دافئ تخمر الخمرة الاولى ومن ثم نفشوها ونخلوها تزيد تخمر مرة اخرى
ثم نفشوها ونقسموها ونخلوها ترتاح ومن ثم نحطوها في الصينية ونسكلها ونحط فوها لاصوص والتزين الي عندنا كل واحد ومقدوروا ونخلوا جهة الحواف بدون صوص وندهنوها بالزيت قبل ما ندخلوها للفرن والفرن يكون سخووووووون

http://im37.gulfup.com/jgXDb.jpg


http://im37.gulfup.com/DYY4B.jpg


http://im37.gulfup.com/oIXPV.jpg


http://im37.gulfup.com/TlTlb.jpg

ومن نفس العجينة هاو السوفلي الي درتوا


http://im37.gulfup.com/1SRfg.jpg


http://im37.gulfup.com/bM00K.jpg

نتمنى تعجبكم الوصفة (جزائرية) وتطبقوها راهي بنتها هااااايلة

https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©