أمقفول ,,,, بومخلط,,,تيمخلاط

جبتلكم وصفة (جزائرية) بالاك تعرفوها مي نفيد اللي مايعرفهاش وكاين مبتدئين على قولة الاخت الوهراني خلاتهالنا كلمة ههه

هدا طعام تقليدي بصح بنين بزاف انا نحبو نتاع القبايل او العرب وكل واحد واش يسميه

القبايل اللي راني عندهم يقولولو امقفول

كسكس على حساب العايلة
الخضر بطاطا زرودية بصل اللوبيا الخضراء تقريبا كل نوع 5 حبات او اقل

نص مغرفة كبيرة طوماطيش
نص مغرفة كبيرة بابريكا تحبو حارة ولا حلوة *اللي مايعرفهاش هي الفلفل لحمر مرحي بودرة فيها الحار وفيها الحلو*
ملح
نخليكم مع التصاور باش تفهمو خير ؤاهي ساهلة بزاف

تغسلي الكسكس نتاعك مليح تملحيه وتخليه ينشف من بعد ديريلو شوية زيت ادهنيه كامل وحطيه يفور كي يفور نحيه
ديري الطوماطيش والفلفل اللحمر في ماء اللي رايحة ترشي بيه الكسكس كي فار الفورة الولى
وتخلطيهم مليح حتان يتحلل كل شي في الما وتفرغيه في الكسكسي نتاعك
وتخلطيه وتخليه يشرب مليح كما في الصورة
http://im17.gulfup.com/70IN1.jpg


وكي يشربومليح رجعيه يزيد يفور
http://im17.gulfup.com/7osW3.jpg


وانا قبل مانبدا بالكسكس نغسل الخضر مليح ونقشرهم ونقطعهم صغار وكل واحد كيفاش ونملحهم ونحطهم يفورو وكي يطيبو مليح نحيهم نخليهم يبردو

http://im17.gulfup.com/swX32.jpg

من بعد كي يطيب الكسكس خلاص نفرغو في القصعة ونحط فوقو الخضرة نتاعنا
http://im17.gulfup.com/eL4T4.jpg

ونخلط وندهنوه بالزيت زيتون هاو هنا خلاص وجد

http://im17.gulfup.com/n1CT5.jpg



وهذا الطبسي اللي ترد الاولى وتاكلو باللبن امممممم

http://im17.gulfup.com/an6d6.jpg

واش رايكم ؟
الردود اللي تشجعني باش نزيدلكم شوية وصفات جزائرية
والله بزاف حوايج درتهم مي كر راني مريضة شوية ماقدرتش نحطهم
ادعولي ربي يشفيني ان شالله ونقوم بالسلامة



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©