البوزلوف المحمر رائع فعلا

راس بوزلوف مسلوخ(تقدري تسلخيه وحدك في الدار لآنو ساهل سلخانو)و مقسوم إلى 2 شاقوليا بين العينين
أغسليه مليح من داخل و من برا و ملحيه مليح باش ما يجيش مسوس
الخلطة نتاعو هي كالتالي:
حبة صغيرة بصل مفرومة فرم ناعم
4 سنينات ثوم مفرومين
حبة من التعليم المتوسطة الحجم طماطم مرحية
2 ملاعق أكل طماطم مصبرة
ملعقة أكل هريسة للي يحب الحار
ملعقة صغيرة راس الحانوت
ملعقة صغيرة كسبرة مرحية
ربع ملعقة صغيرة ملح

خلطي الكل و حاولي أن تمرري الخلطة على جميع أجزاء البوزلوف
ثم أعيدي وضع الجزئين فوق بعض و أربطيهم بقطعة قماش و ضعيهم يفوروا في كسكاس تكوني غطيتيهم بكيس بلاستيكي باش ما يخرجش الوفار برا
و زيدي غطيهم بمنديل و اتركيهم على النار مدة ساعة يطيب من الوجه الأول وساعة أخرى تكوني قلبتيه باش يطيب من الوجه الثاني

بعدها حطي 4 ملاعق أكل زيت في بلاطو تاع الفرن و ضعي الجزئين فوق البلاطو كل واحد بجهة و أدخليه يتحمر

وشهية طيبة



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©