السلام عليكن حبيباتي شهر رمضان الكريم راهو قريب وانا ديما نسبق الفرح بليلة سخفت على البريك عملتو وقلت نفيدكم بطريقتي خاصة للمبتدئات اللي تزوجو جدد على بركة الله
لازم بطاطا مسلوقة او مغلية ارحيها بالفرشيطة وزيديلها ملح انا زدتلها شوية هريسة وشوية وصدر دجاج طايب ومفتت هادي خطوة اختيارية لانو ماكانش عندي لحم مفروم
https://fbcdn-sphotos-f-a.akamaihd.n...37386919_n.jpg
حبة طماطم مقطعة مربعات صغيرة
https://fbcdn-sphotos-g-a.akamaihd.n...23833161_n.jpg
حبة بصل مقطعة مربعات صغيرة
https://fbcdn-sphotos-h-a.akamaihd.n...65395301_n.jpg
بيض حسب افراد العائلة
https://fbcdn-sphotos-c-a.akamaihd.n...40830415_n.jpg
جبن طري انا ديما نستعمل نوع باربار نتاع ىالميزان
https://fbcdn-sphotos-e-a.akamaihd.n...10483241_n.jpg
معدنوس وحشيشة مقطعين رقاق
واكيد اوراق البوراك انا استعملت المشريين
https://fbcdn-sphotos-a-a.akamaihd.n...38606717_n.jpg
في صحن غامق نحط الورقة وندور البطاطا على الحواف نتاع الصحن ونشكل مربع نحط في كل جانب كمية من الجبن ونحط البيضة في الوسط ونرش شوية ملح وفلفل
https://fbcdn-sphotos-g-a.akamaihd.n...22850570_n.jpg
ونحط كمية من البصل وكمية من الطماطم وانا متعودة ندر فوقهم كمية لحم مفرروم ماكانش عندي ونكملو برشة من المعدنوس والحشيش
https://fbcdn-sphotos-f-a.akamaihd.n...98671272_n.jpg
نغلط الحبة من الجوانب الاربعة
https://fbcdn-sphotos-e-a.akamaihd.n...98938040_n.jpg
https://fbcdn-sphotos-c-a.akamaihd.n...41445894_n.jpg
نقلبها مباشرة بالصحن على كف يدي حتى تحافض على الشكل
https://fbcdn-sphotos-h-a.akamaihd.n...89961935_n.jpg
نحطها في زيت غزير ومن المهم جدا جدا تكون النار من التعليم المتوسطة الى قليلة حتى تستوي البيضة من والوسط مهم جدا
كي نحطها نصب عليها الزيت بالملعقة حتى تتنفخ مليح ونخليها تطيب على مهلها ونقلبها من الجهة الثانية
https://fbcdn-sphotos-d-a.akamaihd.n...50849108_n.jpg
كي تطيب نقطرها مليح مليح من الزيت ونزيد نحطها فوق منديل ولا ورق ماص ونقدمها
https://fbcdn-sphotos-e-a.akamaihd.n...83220835_n.jpg
https://fbcdn-sphotos-c-a.akamaihd.n...74504728_n.jpg
https://fbcdn-sphotos-b-a.akamaihd.n...43133161_n.jpg
انا مانحبش البيض المستوي مليح على عكس عائلتي عملت حبتي نصف طياب
https://fbcdn-sphotos-g-a.akamaihd.n...67645010_n.jpg
ملاحظة / اللي ماتحبش المقلي ممكن تدهن الحبات منفوق وتحت بشوية زبدة دائبة وتدخلهم الفرن على نار من التعليم المتوسطة حتى يتحمرو
__________________
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
