بولات الفرماج بالكرم فريش.

اليوم درت بولات بالكرم فرش بصح خسرة مصورتهمش لقيتهوم كلوهوم
المقادير
4حبات بطاطا كبيرة تقطعيهوم وتغسليهوم واديريهوم يغلو مع شوية ملح تربي حبة توم صغيرة وترميها تغلي مع البطاطا كي اطيب البطاطا تهرسيها بالفرشيطة كي لبيري وتزيديلها معدنوس وشوية فلفل لكحل وشوية كمون وشوية ملح وفرماج لوشاف واحدة من بعد تخلطي كل شيء مع بعض وترفدي شوية من الخليط وتخدمي بولات كوريات من التعليم المتوسطة الحجم من بعد ترمديهم في الفرينة وتزيدي في البيض ومن بعد الخبز اليابس تخليهوم اريحو 5د تلقيهم في زيت سخون بزاف باش ميتحلوش كي تقليهوم قطريهوم من الزيت نجو دوكا للتقديم جيبي طبسي مدور وجيبي طبسي صغير يكون غمق شوية خلطي لكرم فراش شوية باش تطلق روحها وزيديلها شوية فرماج قريار ربي خلطيهوم مليح بالمغرف وديريهوم في االطبسي الصغير ورشي فوقها فرماج قريار مربي رقيق ودير حبة يتون في الوسط حطي الطبسي في الطبسي لكبير ودوري عليه ليبولات تاع الفرماج يعني لكرم فراش في الوسط وليبولات دايرين بيها تجي بنينة بزاف وشكل روعة سيوها ورجعوالي لخبر على ضمنتي الخطرة لجاية نحطلكم الصور موافقين



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©