وصفة (جزائرية), مجربة, وناجحة, للبسكوي, رولي

السلام عليكم هدي اول مشاركة معكم في هد المنتدى ونشاء الله تعجبكم

بسكوي رولي

المقادير
5حبات بيض+5ملاعق اكل سكر+7ملاعق اكل فرينة+كيس خميرة كيميائية+فنيليا
للحشو; اما مربى –معجون- حسب رغبتك مشمش او فراولة او...... اويمكن استعمال كريمة الزبدة كحشوة وهي بالمربى اسهل باش بلا ماتشقى تصنع كريمة الزبدة لانها صعبة نوعا ما.
التحضير
نضع بياض البيض في الخلاط الكهربائي ورشة ملح ونخلطه جيدا حتى يصبح مثل الثلج وحجمه يتضاعف
ثم نضيف السكر ونخلط بعدها نضيف الصفار والفنيليا ونواصل الخلط حتى نحصل على خليط مثل الزبدة الرخوة وحجم مضاعف بعدها نوقف الخلاط الكهربائي .
ناخد الفرينة مع اضافة الخميرة الكيميائية ونسيروهم بالسيار او صفاية أي شيئ يساعدك يعني بمادة اللغة العربية لفصحى نقولوا ننخلهم.بعدها نضيف هده الفرينة الى خليط البيض ونخلط بواسطة ملعقة خشبية او عادية لكن نخلط بهدوء من الاسفل الى الاعلى.
ناخد صينية تكون مستطيلة وتكون صغيرة ماشي كبيرة الانوا الكمية قليلة وتضع فيها اما ورق الزبدة او حتى ورقة عادية لي نستعملوها في الرسم او ما تستعمل أي شيئ فقط ادهنها بازيت ورش عليها الفرينة افرغ الخليط وادخله الى فرن مسخن سابقا اخفظ الحراراة واتركها لحوالي 25د كي تنسف بلا ما تحمار خرجها. ثم ضعها هد الحلوى فوق ورق الالمنيوم

حضر لها سيروا خفيف شوية ماء شوية سكر و قطعة ليمون وطيبها على النار حوالي 5د ثم بواسطة فرشاة الحلويات شربها بهد السيرو وضع لها المربى ثم روليها بهدوء مع امساك الاطراف والضغط عليها اثناء اللف
اغلقها جيدا بورق الالمنيوم وخليها في التلاجة تشد روحها
في الغد خرجها وخد صينية فرغ فيها سكر بودرة يكون مسير يعني منخول وخد الحلوى وروليها في السكر من جميع الجهات مليح مليح حتى تاخد كمية مناسبة.

لان الحلوى جاهزة للتقديم قطعها قطع مدورة وبصحتكم



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©