حلويات افتصادية وسهلة لا تفوتكم

السلام عليكم
اليوم راح نقدملكم وصفات جزائرية لحلويات اقتصادية وسهلة .........

1.الصبيعات
2بيض+كاس صغير سكر عادي+كاس صغير زيت+1خميرة تخلطيهم مليح ثم تضيفي الفرينة حتى تتحصلي على عجينة متماسكة ثم تشكليها على شكل سيجارة ثم تحطيها طيب فازيت الي كنت سخنتيه من قبل .ثم كتخرجيها من الزيت خليها تبرد ثم لوحيها فالعسل ولما تحطيهم فطبق التقديم رشي عليهم كاوكاو مرحي او جوز الهند.

2.حلوة المعجون
3بيض+كاس سكر ناعم+كاس زبدة ذائبة+كاس زيت+1فاني+1خميرة +فرينة

تخلطي البيض مليح ثم تضيفي المقادير المذكورة مع الخلط المستمر ولازم تتحصلي على عجينة جد طرية ثم تعملي على طاولة مرشوشة بالفرينة وتحلي العجينة بالحلال و تشكليها بطابع الصابلي لان بعد الطهي تحطي وحدة فوق وحدة ثم تحطيها في صينية وتحطيها فالفرن درجة حرارته150
ولما تبرد ادهني الاولى بالمعجون ثم ضعي فوقها الثانية وادهني سطحها بالمعجون وضعي في وسطها المعجون و ثم زينيها بجوز الهند.

3.حلوة جوز الهند
125غ زبدة+نصف كاس سكر ناعم وتخلطيهم مليح حتى تصبح كالمرهم ثم نضيف بيضة+100غ من ماء الزهر+ 1 خميرة ثم نضيف الفرينة حتى نتحصل على عجينة متماسكة ثم نشكلها دوائر ونحطها في صينية مدهونة بالزبدة ونضعها في فرن درجة حرارته 200 لمدة 25 د تقريبا.
وعند اخراجها من الفرن دعيها تبرد ثم ادهنيها بالمعجون ثم اغطسيها فجوز الهند.

وشهية طيبةhttp://www.dzbatna.com/images/smilies/19.gif



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©