بعض الطرق الشرعية البسيطة للربح من جوجل GOOGLE أدسنس :: إربح على الأقل 10 دولار يومياً
السلام عليكم ورحمة الله وبركاته
====
بدايةً كل سنة وانتوا كلكوا طيبين
وبنقول ألف مبروك لكل الناس اللي استلمت من جوجل GOOGLE أدسنس الشهر ده
وهارد لك لكل الناس اللي اتقفلت حساباتها لبعض الاخطاء الغير مقصودة
جيت النهاردة اتكلم معاكوا بمناسبة إني أخيراً عرفت أسجل في ديزاد باتنة
بعد ماكنت متابع جيد جداً لأكتر من سنتين
وماعرفتش ولا مرة أسجل هناا مش عارف ليه بس ما عليناا
====
طبعاً إنك تكسب من جوجل GOOGLE أدسنس 10 $ يومياً دي حاجة عادية أوي
بل وأقل من العادي كمان ،، لأني قولت في عنوان التوبيك إنها طرق بسيطة
ناهيكوا طبعاً عن بعض الطرق الصعبة واللي مربحة أكتر كتير أوي
ومتهيقلي أكترناا عارفها كلها ،، ولأنها صعبة محدش جرب ينفذهاا
سواء عشان اللغة الإنجليزية مش كويسة ،، أو عدم وجود الوقت
المهم أنا كلامي النهاردة عن تجربة شخصية ولأكتر من حوالي سنة ونص
وفعلاً اثبتت نتائجها معايا وشغالة حالياً كويس أووي
====
أول حاجة هنتكلم عنهاا هي الفوركس
طبعاً الكلام كتير أوي عن موضوع الفوركس أو تجارة الدهب والعملات
وأكتر الكلام اللي بسمعه إن ممنوع حد يعمل موقع أو صفحة عن الفوركس
عشان حسابك ممكن يتقفل !!
طبعاً استغربت جداً لأن إعلانات الفوركس طبيعي لازم تظهر على مواقع فوركس
وإلا كانت جوجل GOOGLE منعت الإعلان عنها أصلاً
يبقى هنا الاستنتاج إن مفيش حاجة إسمها ممنوعه في أدسنس
غير اما تكون مخالفة لسياساتها
صفحة بدون محتوى :: محتوى غير ملائم :: حشو كلمات :: ضغطات وظهور مزيف
وكتير كتير كتير من الحيل والطرق اللي اخترعها معظم العرب
واللي في الآخر برضه حساباتها كلها بتتقفل إلا من رحم ربي
يعني هنا أي حاجة متاحة في جوجل GOOGLE أدسنس ،، بس الأهم تكون فاهم اللي بتعمله
فكرتي عن الفوركس هتطبق على كل الناس اللي عندها مواقع أو منتديات
أو حتى سكربتات زوارها أكتر من 2000 زائر كل يوم
وده مش أقل تقدير ،، ممكن كمان 1000 زائر بس وده طبعاً هيفرق كتير أوي
فكرتي كانت إني حجزت دومين دوت إنفو (أرخص دومين 2 $ من جودادي)
والدومين كان إسمه ليه علاقة بالفوركس
وسطبت عليه نسخة منتدى عادية جداً وعملتله أقسام مختلفة
منها تجارة الدهب والعملات وتجارة العربيات والأوتيلات والتجارة التقنية
يعني بالبلدي :: عملت قسم عن كل حاجة ممكن ضغطتها تكون غالية
وطبعاً اللغة كلها إنجليزي
واحد هيرد ويقولي :: اللغة الإنجليزي عندنا مش كويسة
وأنا برضه زيكوا لغتي الإنجليزي مش اكسلانت
بس زي مابيقولوا عندنا في مصر (الشاطرة تغزل برجل حمارhttp://www.dzbatna.com/images/smilies/bleh.gif)
في مواقع كتير جداً بتبقى مليانة مقالات عن كل حاجة ممكن تتخيلها
وفي نفس الوقت مسموح نقلها ولكن مع ذكر المصدر
زي الموقع ده مثلاً
Articles Base
من إسمه قاعده المقالات ،، موجود فيه مقالات عن كل شئ ممكن تتخيله
مجرد إنك تعمل سيرش عن كلمة واحدة هيجيبلك عنها آلاف المقالات
ووظيفتك هنا انك بس تنقلها مجرد نقل عادي جداً ،، مع ذكر المصدر
وهتلاقي المصدر وإسم الكاتب موجودين في آخر المقالة
هنا عشان نبقى راعينا سياسة جوجل GOOGLE عن الملكية الفكرية
وإعمل للمنتدى ده فتحة إجبارية تكون ع الأقل 1000 زائر
أنا أضمنلك إنها هتجيبلك ع الأقل 5 دولار يومياً
لأن الميزة في إعلانات الفوركس وتجارة الدهب وكل ده ،، إن مجرد ظهورها بفلوس
يعني حتى من غير ضغطات هتلاقي ع الأقل في حسابك 2 دولار
====
ودي كانت أول طريقة النهاردة للربح من جوجل GOOGLE أدسنس
تاني طريقة بقى هي خدمة أدسنس للدومينات
خدمة جميلة جداً ،، ومعمولة للأذكياء فقط
سمعت كذا حد بيقول إنها فاشلة بالنسبة للعرب
بالعكس ناجحة جداً جداً
http://sphotos.ak.fbcdn.net/hphotos-..._5261540_n.jpg
دي أرباح جوجل GOOGLE أدسنس إمبارح من أدسنس للدومينات
http://sphotos.ak.fbcdn.net/hphotos-..._4749572_n.jpg
ودي أرباح آخر 7 أيام من أدسنس للدومينات برضه
====
وبإذن الله ليا عودة مرة تانية عشان أشرح طريقة وأقولكوا سر أدسنس للدومينات
السلام عليكم ورحمة الله وبركاته
أخوكم / آدم يوسف
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
