((السلام عليكم ورحمه الله وبركاته))
اقدم لكم اليوم دوره بسيطه جدا جدا جزء منها من اعدادى والحمد لله
الدوره خاصه لمن يمتلكون المواقع والمنتديات
اهداف الدوره تحقيق الامانى المرجوه من عمل منتدى
((
فهرس الدوره))
1- اختيار المجال المناسب لك والتى تكون بارع فيه .
2- الاهتمام بشكل الموقع ( كتصميم ) يناسب مجال الموقع .
3- الاهتمام بمحتوى الموقع ووضع كل جديد بيه اول باول.
4- تسجيل موقعك بجوجل GOOGLE بكل الطرق الممكنه والمعروفه .
5- معرفه البينج رانك وكيفيه رفعه.
6- وصف موقعك + الكلمات المفتاحيه ( مهم جدا ).
7- شرح طريقة هاك product مولد الخرائط لاصحاب المنتديات.
8- نبذه سريعه ومختصره عن لغة .rss
9- التبادلات الاعلانيه بين موقك والمواقع الاخرى.
10- اضافه الموقع فى اعداد كبيره من ادله المواقع.
11- بعض النصائح الهامه لاصحاب المواقع والمنتديات خاصا.
كل يومين ان شاء الله هيتم وضع خطوه من خطوات الدوره >ادعولى بالتوفيق
((
لنبدء شرح طريقة اول خطوه ))
اهلا وسهلا بكم معايا
فى اول درس مفصل او خطوه من خطوات دوره
(( خطوات بسيطه لشهره اكيده ))
والى من خلالها هنقدر ان شاء الله نقدم موقعنا بشكل جميل
لمحركات البحث ونجلعه مليئ بالزوار بشكل مستمر ان شاء الله
واول خطوه من الخطوات البسيطه هيا
سهله جدا وهحاول اشرح طريقةهالكم بطريقه بسيطه
جدا واكننا بندردش مع بعض
اختيار المجال المناسب لك والتى تكون بارع فيه
المجال المناسب للموقع المناسب للشخص المناسب للوصول الى الهدف
كتير مننا بيفكر انه يعمل موقع " مدونه " منتدى " الخ
ولكن عند اعداده يفكر فى ما هوا المجال الذى سأضعه بالمنتدى forum ؟
واول شي بيجى فى بال صاحب الموقع هوا
ايه الى بيحبه الناس اكتر ؟
خلاص انا هعمل منتدى اغانى وافلام وفى لحظه يكون اخترع
اسم للمنتدى وصممله استايل style وعمل كل حاجه وكل دا علشان شاف منتدى
ولا اتنين بتوع اغانى وافلام ومشهورين جدا ونسبه زوارهم عالين وقال ما انا كمان اعمل وابقا تالتهم
والفكره دى طبعا خطأ ميه بالميه
لازم انتا الى تقرر ايه مجال منتداك ولا موقعك
متخدش بالمظاهر زى ما بيقولو
شوف انتا هتقدر تدى فى المجال دا ولا لا ؟
هل انتا من الى بيتابعو الجديد اول بأول فى عالم الفن والافلام ولا لا ؟
لو الاجابه بنعم يبقا انتا تمام ابدا وعلى بركه الله
لو الاجابه ب لا يبقا فكر بسرعه انتا بتحب ايه ؟
والنت مفتوح للكل يعنى مش كل الى بيدخلو النت عاوزين يجيبو افلام واغانى وبس
اقعد مع نفسك وشوف انتا بتفهم فى ايه اكتر ؟ وايه الى انت حاسس
وابدأ خطوه خطوه وان شاء الله توصل للى انتا عاوزه
ومعايا شويه حاجات كده تقدر تقولو عليها
اساسيات نجاح وشهره المواقع
1-المحتوى او ( المواضيع )
كتير مننا اول ما يفتح منتدى (مثلا)اغانى يدخل على موقع اغانى مشهور وكبير
ويشتغل بقا كوبي – بيست - كوبي – بيست
ودى اكبر غلطه اصحاب المنتديات بيقعو فيها وبيعملو
دعايه واعلان للمواقع الى بينقلو منها وهما مش واخدين
بالهم وببلاش يعنى صاحب المنتدى forum الى انتا بتنقل منه هوا
المستفيد مش انتا واول زائر هيدخل منتداك ويشوف فيلم منقول من منتدى كذا كذا
هيعرف ان المنتدى forum دا بيجب الجديد اول باول وعلى طول يروح
واخد اسم الموقع الى اكيد هتلاقيه مكتوب على بوستر الفلم ولا الالبوم
ولا ولا ويروح عامله بيست فى المتصفح وياخد منه ويسجل
وكمان ممكن يشارك فيه مهوا خلاص بقا
انتا مديلو فيلم منه والفلم جديد يعنى انتا بتقول للزائر
متشترك فى منتدايا وروح للمنتدا دا على طول
فلازم تخلى عندك نقطه الحصريات والرفع باسم المنتدى forum وان شاء الله
هعملكم شرح طريقة كويس للرفع على اكثر من سيرفر SERVER وازاى تخلى فيلم حصرى
ليك وباسم منتداك فيما بعد ان شاء الله
المهم نرجع لموضوعنا حاول تنزل انتا الافلام على جهازك وتنضفها من كل لينكات
الى انتا عامله دونلود منه وتحطه فى ملف جديد + تعمل تكست شيك كده
وظريف تكتب فيه اسم منتداك بالعربي وبالانجلش وكمان لنك
واسم العضو الى رفع الفلم + كلمه ظريفه تدعو
الى هيشوف التكست انه يدخل منتداك مره تانيه وتالته
وبكده اكون انتهيت من اول نقطه وهيا ال (المحتوى)
2-التشجيع :.
ودى نقطه مهمه اووى يا جماعه ولازم ناخد بالنا منها
تعتبر نقطه تشيج الاعضاء الجدد دى اهم من اداره المنتدى forum نفسه
مفيش مانع لو لقيت عضو جديد داخل المنتدى forum تبعتله
رساله خاصه وانا بقول خاصه مش الرسايل الاوتوماتيكيه الى تكره الواحد فى المنتدى forum مثال
(اهلا وسهلا بك فى منتديات ----- نتمى تستفيد وتفيد )
ايه الكلام دا وانا داخل ايه
المهم تروح باعتله رساله خاصه بيه هوا
باسمه هوا وتقوله المنتدى forum نور وكذا وكذا وتقوله لو شوفنا انك نشيط بالمنتدى forum
ان شاء الله تكون واحد من ادارته دا طبعا بعد اذن حضرتك
وعلى فكره دلوقتى الزائر الى يتحول عضو بقت صعبه
شويه فى ظل طفره المنتديات الكتير الى بقت موجوده خلاص كده خلصنا التشجيع
3-المراقبه :.
المراقبه شي مهم اووى ودى الى ممكن تكون المهمه الاولويه عند
المشرفين الى هتعينهم ويخلو بالهم من الردود بالذات لان لو مفيش مراقبه ممكن
عضو يشتم عضو او عضو يقول كلام وحش على موضوع عضو تانى فالعضو
التانى اكيد مش هيسكت وهيرد والموضوع هيتقلب خناقه وكل دا هيسببلك مشاكل انتا
انتا يا صاحب المنتدى forum انا لو زاير وداخل المنتدى forum وشوفت الكلام دا هل هشترك ؟
وهفترض ان انا علشان ولد هشترك ما انا هعرف ارد برضو
طيب لو الزاير دا بنت ؟ اكيد هتروح سايبه المنتدى forum ودور على
غيره طب وليه نخسر عضو/عضوه فى وقت انا قولتلك فيه قبل كده الزاير الى بيتحول عضو يبقال مكسب كبير اووى اووى انتهيت كده من نقطه المراقبه
4-تواجد مجموعه من الاعضاء :
. ليه تخلى احصائيات موقعك (0 زائر – 0 اعضاء )
انتا كده اكنك بتقول للزاير الى داخل موقعك امشى من هنا مفيش حد
مفيش مانع لو تخلى 4 ولا 5 من اصحابك يسجلو ويفتحو المنتديات وبس
مش لازم يعم يخشو يحطو مواضيع وكده ولو اخذت بالك فى عنوان النقطه
( تواجد مجموعه من الاعضاء ) مش الاداريين ودى مهمه بردو لما الزائر
يدخل ويشوف مجموعه اعضاء + مجموعه مشرفين يعنى
ممكن نقول 4 اعضاء + 2 مشرفين دا يدى للزائر انطباع ان المنتدى forum
اذ ربما في حاجه هتنفعنى فا ادخل ادور وانتهينا من مجموعه الاعضاء
5-الاقتراحات :.
مفيش مانع لو تخلى قسم خاص بالاقتراحات لاحظ الكلمه
( اقتراحات ) مش اقتراحات وشكاوى فى فرق ويريت كمان تخلى
المنتدى forum دا ولا القسم دا مفتوح لمشاركه الزوار ادى للزائر انطباع
ان المنتدى forum دا عاوزك وعاوز افكارك لو عندك
الزائر من دول هيدخل المنتدى forum يقلب شمال ويمين هيلاقى مثلا قسم
للموبايلات ناقص وهوا اصلا داخل علشان ياخد حاجه للموابايل
ومش هيلاقه ممكن 40% يحاول يتصل بيك يقولك حط قسم للموبايلات
ولما يلاقى القسم بتاع الاقتراحات دا مفتوح يقول انا هحط اقتراح ممكن
الاداره تنفذه والحركه دى مكسب ليك انتا بردو
بكده اكون انتهيت من اول درس مفصل او اول خطوه
( خطوات بسيطه لشهره اكيده )
واى استفسار انا بالخدمه وممكن عمل تعليق على الخطوه
وفى اسرع وقت هتلاقينى رديت على طول ان شاء الله
مطلوب :. معرفه اراء كل من رأى الدرس مفصل الاول من الدوره
هل هوا حلو ولا وحش ؟ اكمل ولا لا منتظركم
انتظرو الخطوه القادمه يوم
الاثنين القادم الموافق 29/6/2014
