رسالة من زوجة متهنيه

رسالة من زوجة متهنيه


بسم الله الرحمن الرحيم




رسالة من زوجة متهنيه

زوجى الحبيب.....

اقر و اعترف بكامل قوايا العقليه انى مدلعه و مرفهه و مش مقدره مجهودك معايا انا و العيال يا سبعى يا جملى يا مستتنى و مهنينى ما هو احنا كده يا ستات ما بيطمرش فينا

وعشان كده يا حبيبي فكرت اننا نبدل الادوار شويه و اشيل مكانك المسؤليات عشان اعوضك عن الشقا اللى انت شوفته معانا من حقك تشوفلك يومين حلوين و تدلع انت كمان فانا هروح الشغل و اصرف على البيت و انت بقى تدلع و تستريح بسسسسسسسسسسسسس ما تنساش يا حبيبي شوية حاجات صغيره انا كنت بعملها

معلش انت قلت بنفسك دى حاجات ما تتعبش خاااالص .......

تصحى من النجمه تكوى هدوم مدارس العيال و تصحيهم و تشطفهم و تحضر السندوتشات و تنزلهم يركبوا الباص و بعد كده تيجى تصحينى و تحضرلى الحمام و الفطار وبعد ما تكون حضرتلى هدومى ما انا بشقى و بتعب بقه و ما تنساش قبل ما تنزل لشغلك تطلع اللحمه عشان تفك و انت راجع بقه تعدى على السوق تجيب الغدا و تتزنق فى طابور العيش و طير على البيت عشان تلحق تنضف الخضار وتحضر الرز و السلطه اصلى يا حبيبي مابحبش الاكل بااايت و على بال ما يستوى الاكل تحمى العيال و بعد الغدا هدخل اريح شويه اصلى هبقى شاقيانه طول النهار بشتغل عشانكم و انت بقى تدخل على المطبخ تغسل المواعييييين و حط الغسيل في الغساله خلاص يا حبيبي هاااانت فاضل بس تذاكر للعيال من غير زعييق هه و تعمل معاهم الواجبات و تمليهم و تحل مسائل الحساب و لو حد جاب نمره وحشه هزعل قوى اصل ده اهماااال المهم بعد كده يا حبيبي انا هقوم من النوم اعمل كام مشوار مش مفهومين المهم اى حاجه اسيب البيت و خلاص هروح اضرب كابوتشينو ف اى كافيه اصل مش هينفع اخد حجرين ع القهوه و ارجع البيت بالليل بقه الاقيك محضرلى حاجه حلوه ناكلها بعد العشا و طبعا تكون نيمت العيال و عشيتهم و نشرت الغسيل اللى هتلمه بكره الصبح بدرىى وتقف ثلات ساعات بعد ما ترجع تكوييه اصل المكوجيه بقو مفترييييين اه بس خلى بالك من كسرة البنطلون اصلها تفرق معايا قوى اما بقى فى الويك اند تصحى يا حبيبي من الفجر تنفض البيت و تمسح اصلى بحب البيت برروبروووء و تحط فنيك و ديتول و تلمع الموبيليا و تلمع النجف و بعدين تحضر الفطار و بعد الصلاه هخرج مع اصحابى شويه اصلى شايقيانه طول الاسبوع و بعدين هزور ماما اصلى بزورها م الاسبوع للاسبوع و انت بقه فاضى تزورها في ايييي وقت و هتبقى مدلع و متهنى ىعنى مش محتاج تتفسح!!

ملحوظه

المهم فى ده كله كل يوم الاقيك واخد دش و متلمع و حالق دقنك و طبعا مش هينفع تحط مكياج مش مشكله و مستنيني بابتسامه حلوه كده عشان هتبقى متستت و متهنى

امضاء....زوجتك المستريحه المتهنيه

منقوووووووول

https://fbcdn-sphotos-d-a.akamaihd.n...93518507_n.png
موضوع حصري لمنتديات شباب باتنة