وصية اخويا الصغير ***سر سعادتى مع زوجى

وصية اخويا الصغير ***سر سعادتى مع زوجى

السلام عليكم ورحمة الله وبركاته

اخواتى بارك الله فيكم يا رب



............واسمحولى احكى لكم عن حاجة فى حياتى بجد مريحانى

واتمنى انها تفيد الجميع وبالذات اللى لسه متجوزين جداد او المخطوبين او حتى المتجوزة اللى
تحب تغير من طريقة تعاملها مع جوزها..............والله المستعان


فى بداية حياتى الزوجية وبالتحديد يوم الزفاف كنت قاعده مع اخويا اللى اصغر منى بشكى له
من سوء معاملة امى واخواتى لخطيبى وكنت فى الوقت ده حزينة قوى لان امى ماكنتش فرحانة
لانى هاتجوز بعيد عنها وطبعا كانت عاوزة بنتها تبقى جنبها.......
المهم لقيت اخويا قالى اسمعى للكلام اللى هاقوله لكى دلوقتى كويس قوى.............
قلت له خير......رد وقال الكل هنا مش مبسوط من الجوازة دى ومتنبئ لها بالفشل وواثقين انك
مش هاتستحملى انك تعيشى فى فى الغربة بعد ما كنتى عايشة فى مدينة ومدلعة و..........و.......

امى كانت موافقة على زواجى بس كان اعتراضها على المكان اللى هاسكن فيه!!!!!!!!
المهم ان الوصية الجميلة اللى قالها لى اخويا هى( خلى سرك جواكى انتى وبس واياكى انك تسيبى بيتك
مهما كان ومشاكلك انتى وجوزك حليها معاه ومتدخليش حد ما بينكم ولا من اهلك ولا من اهله
انجحى فى حياتك وغيرى نظرة الجميع ليكى ولجوزك وعلى قد ما تقدرى لو قابلتك مشكلة حاولى
تحليها معاه بهدوء وبالراحة ......بس لو قابلتك مشكلة عويصة وكبيرة وما بقتيش قادرة على
الوضع يبقى كده مافبش قدامك غير انك تقولى وتتكلمى ....غير كده صدقينى الموضوع بيكبر وبيتعقد
وممكن تتصالحى انتى وجوزك وما بيبقاش غير الكره ما بين اهلك وجوزك)
ومع ان الكلام بسيط بس والله له مفعول السحر ومقلكوش فادنى اد ايه وخلانى فعلا اصمم على
نجاح حياتى مع جوزى
اما بالنسبة بقى لجوزى فطبعا اول ما اتجوزنا قابلتنا مشاكل كتير وده شىء عادى انه يحصل فى
بداية الحياة الزوجية
وبهدوء وبالصبرحولت جوزى من شخص عاوز كل كلامه يمشى زى ماهو عاوز لشخص بيجى
وياخد رأى فى كل شىء
انتم عارفين ازااااااااااى؟؟؟؟؟؟؟؟؟؟؟
خلقت ما بينا لغة حوااااااااااار ..........والله مافى اجمل من لغة الحوار والتفاهم فى كل شىء
وده بيحصل لما بيكون عاوز حاجة ومصمم عليها فبحاول بقدر الامكان ما انفعلش واسمع وجهة
نظره كلها ..وبعدها بيلاقينى ساكته خالص فيقوم يسألنى ايه رأيك؟؟؟؟؟؟؟؟؟؟؟؟؟؟؟
ارد واقوله..مش عارفة انت ادرى
انتم عارفين الكلمة دى بتعمل ايه؟؟؟؟؟؟؟؟؟
والله يا قمراااااااااات بيتحايل عليا عشان اخد و ادى معاه فى الكلام ......
وفى الاخر بقول وجهة نظرى ونتكلم ونتكلم لغاية ما بنوصل لحل( بمشيئة الله تعالى)
صدقونى يا قمرات الراجل فعلا طفل صغير وانتى اللى تقدرى تحركيه بطريقتك وبأسلوبك
وتقدرى توجيه لاى شىء انتى عاوزاه بس خليكى صبوره
دى تجربتى اتمنى انها تعجبكم وتستفيدوا منها يا رب والناس تحسدكم زى ما بتحسدنا هههههههه
والله اولهم اختى اللى كانت من اول الرافضين لجوزى دلوقتى بتقولى يا ريتنى كنت عملت زيك
مع جوزى.....
ملاحظة مهمة قوووووووووووى
انا عارفة ان فيه قمرات ممكن يتضايقوا ويقولوا احنا مشاكلنا كبيرة او ملهاش حل او....او....
طبعا هيكون ردى عليهم ان المشاكل الكبيرة بتتولد زى اى شىء صغيرة يعنى بس الحكيمة هى
اللى تقدر تحل مشاكلها اول بأول ومتخليش الطريق يتسد وبعدها تدور على حل لمشاكلهااااا
ربنا يهدى الجميع يا رب

https://fbcdn-sphotos-d-a.akamaihd.n...93518507_n.png
موضوع حصري لمنتديات شباب باتنة