أحبك وأموت فيك ...بس أستحي أقولها

أحبك وأموت فيك ...بس أستحي أقولها

أحبك وأموت فيك ...بس أستحي أقولها

قبل سنوات كانت وحدة من القريبات تتحدث عن زوجها اللي كان مسافر
وكانت مشتاقة له بالحيل وقالت اليوم ماتصل ....

المهم قلت لها ارسلي له رساله حلوة في الجوال ...قالت :لا !! أيش أرسل ؟؟

قلت لها عندي راسيل أخي هذي

تظن أصبر على بعدك ..وأنا من قلبي حبيتك
من اللي جاب سيرة ....وقال اني تناسيتك
تأكد وبعد ظنونك ....مادام أني تمنيتك
بصبر نفسي ياروحي ...ولو طال المدى جيتك

قالت لا لا أستحي أرسل هالكلام !!! وهو بعد مايرسل ولايقولي كلام زي كذا
(طبعا أنا شتمتها -بلطف- وقلت لها ياخايبة )

وأخذيت جوالها غصب عنها وأرسلت الرساله !!! قالت هو قالي لاتدقي ولاترسلي لاني مشغول
واذا فضيت ........!!
بعد ربع ساعة جاتها رساله وفرحنا ( أنا والصديقات ) وهي مرتبكة وفتحتها وقرات

صاحت عيوني تنشد القلب رؤاك ..وأثره فؤادي في بعادك قصيدة
كل السعادة اعشقت يوم لقياك ..وكل القرايب في بعادك بعيدة
...الخ
.............................

لا شك أن كل زوجين يعشقان بعض بس الحب محتاج تغذية بالكلمة الحلوة والغزل

لكن البعض (في مجتمعنا ) يقول أستحي ..فشله ...مو متعود ...خاصة النساء
اذا الزوج مايبدأ مستحيل هي تتعود على الكلام الجميل
بحجة أن احنا في بيت أهلنا ماسمعنا هالكلام , والحين صعبة نقوله

البعض يرى أننا في هالوقت (عصر الكنولوجيا ) ممكن نوصل الكلمة بطريق غير مباشر

وفعلا هذا مجال جيد للي يستحون عشان يتعودوا

وحتى مع اهداء الهدية نقدر نرفق معها كارت مكتوب فيه وصف لمشاعرنا

وقد يأتي الرد مماثلا

لماذا لاتعود على كلمات الشكر والثناء والغزل و...

ولو نعود السنتنا راح تتعود مثل ما البعض متعود على الانتقاد والشتم وغيره
لو يحاول طبعا بيتغير

بس شوي نتجرأ على الكلمة الحلوة اللي نستحي منها

حتى غير الزوجين ...مثلا الأم ( ولا أعظم من حبها ) وهي تشبع اعيالها حنان وعطف
فترة الطفولة (البعض ) واذا كبروا تبدأ تصير قاسية في الألفاظ

ويعتقد بعض الابناء أن أمهم ماتحبهم .. مثل غيرها

لأن الحب محتاج يظهر من القلب ....

فلماذا لانظهره ؟؟؟!!!!!

https://fbcdn-sphotos-d-a.akamaihd.n...93518507_n.png
موضوع حصري لمنتديات شباب باتنة