&&..الاغراء الجنسى بشخصيتك الجذابة..&&
&&..الاغراء الجنسى بشخصيتك الجذابة..&&
ازاى تبقى شخصيتك ساحرة لدرجة تهيج احاسيس حبيبك الاخر من غير ماتلمسيه ؟
الشخصية الساحرة تهيج الاحاسيس بدون اى تلميحات جنسية مباشرة .
بمعنى السحر.... مش سحر جمال جسمك ولا اناقتك.
مش اللبس السكسى ولا طريقة الدلع و الغنج اللى ممكن تتكلمى بيها و تهيجى بيها شريك حياتك.
كلها سمات شخصية عادية بس قوية و تاثر على حبيبك و تحطه في موقف مختلف عن المعتاد .
و الاختلاف دة بيكون حلو و مريح. و الاحساس الحلو المريح دة مابيحسهوش الا معاكى انت بس.
دة هو سحرك عليه لانه مابيقدرش يستغنى عنك .
الجو دة بيخلى الطرف الاخر يهيج عليكى طبيعي لانك بتزرعى فية الاحساس انه محتاجك و مايقدرش يستغنى عنك.
في خلفية جنسية اكيد في علاقتك بحبيبك عشان كدة شخصيتك الساحرة في الاخر هاتكون نتيجتها اغراءه جنسيا.
لانك بتكونى في نظره شخص يستحق الاعجاب و التقدير
مش لانك لابسة لبس مثير ولا انك بتقولى كلام مثير.
بمعنى اخر –
الشخصية الساحرة هى شخصية جذابة و جاذبيتها خاصة و من نوع فريد و ده سبب السحر اللى فيها.
لانه يحس انه منجذب ليكى و مش قادر يقاوم انجذابه لكى بسبب الحاجات اللى انتى موفراها له و اللى غيرك عمره ما يقدر يوفرهاله.
الشخصية الساحرة ، مبدئيا ، تعطى اهتمام للطرف الاخر و لا تنتظر اى اهتمام من الطرف الاخر لنفسها .
افهمى روح حبيبك
اشعرى بالمه
عيشى الحالة النفسية له
لا تجادلى و لا تشتكي
لا تزعجيه
واحدة واحدة مش هايستغنى عن وجودك
نقطة ضعف اى شخص احترامه لذاته و احتياجاته.. .
يعنى لما تكونى انت مصدر احساس باحترامه لذاته و تقديره الشخصى لنفسه هايرتبط بيكى و هيحتاج لوجودك دايما بجانبه ودايما يريد العلاقة والممارسة معاكى .
الشخصية الساحرة توفر الحاجات اللى لما يحسها الطرف الاخر يحتاج لممارسة الجنس معك بادمان و يحس ان حياته الجنسية معاكى حياة فاتنة و ساحرة.
الاحتياجات دي هى :
ارضاء غرور الطرف الاخر و اشباع احترامة لذاتة
الشخصية الساحرة تعطى للطرف الاخر شئ يشد انتباهه و يسحره و السر يكمن في انك تجذبى انتباهه و في نفس الوقت بتخفضى من مستوى تفكيره بتعقل و بطريقة تحليلية منطقية
تضغطى على الجوانب اللى في شخصيته اللى بيكون سيطرته الذاتية عليها ضعيفة زى الغرور و احترام الذات .
كيف تصبحى شخصية ساحرة ؟
اولا : تجعلى حبيبك مركز اهتمامك
تتعلمى فن الاصغاء
اتركى حبيبك يتكلم و يعبر عن نفسه و يحررها بالكلام اللى جواه اللى هايحس انة مرتاح لما يقوله
ساعتها هاتفهمى و تحسى بنوعية رغباته و احتياجاته
تبداى تمدحى النقاط اللى بيحس فيها انه محتاج ينمى شعوره ناحيتها.
مثلا لو حسيتى ان تقدير الناس له قليل تقدريه انتى و تمدحيه مدح يعوض النقص عنده في الاحساس ده.
لو مغرور بجماله تمدحى جماله و تحسسيه بنفسه .
هى دي احتياجاته و رغباته اللى تفهميها لما تسمعي له كويس باذان صاغية وتفهمى كويس اللى ورا الكلام اللى بيقوله.
تعاطفى معاه و مع امكانيته و صفاته اللى اكتشفت انها النقاط اللى هو عاوز الناس تاخد بالها منها ساعتها هاتحسسيه انه اكبر من الاول . حسسيه ان شخصيته تستحق .
خليه يحس انه النجم الوحيد في السماء المظلمة و هاتلاقيه ادمنك.
ثانيا : خليك مصدر متعة بالنسبة لحبيبك
ماحدش عاوز يعرف حاجة عن مشاكلك و الحاجات اللى تعباكى في حياتك
اتركى حبيبك يشتكى و اسمعيه.
بس اهم حاجة انك تشتتى انتباهه اللى رايح ناحية الاحساس بالمشكلة و تبعدى ذهنه عنها بانك تعطىى له متعة .
المتعة تشتت انتباهه .
اعملى الحركة دي كل فترة هاتلاقيه وقع تحت تاثير سحرك .
كونك مرحة و خفيفة دة تاثيرة اقوى بكثير و يسحر اكتر من كونك جادة و متناقضة .
كونك نشيطة و شقىة له تاثير سحرى اكثر من كونك راكدة و مابتعمليش حاجة .
ثالثا: حولى التناقضات الى انسجام.
ماتخليش في كلامك اى حاجة تدعو للاعتراض عليكى او على افكارك و اسلوبك و طريقتك .
ظبطى كلامك على الموقف و على اللى انتى فاهمة انه هايعجبه و متماشى مع معتقداته و افكاره و ماتخليش كلامك ينمى اى اعتراض من ناحيته عليكى.
اى شئ متناقض في افكارك و افكاره حوليه لانسجام .
خليكى صبورة و سيبى الحبل .
لو حبيبك من النوع العصبي اللى بيتنرفز خليه يحس انه انتصر في لحظة اصراره على كلامه و افكاره
امتصى اسلوبه و غضبة و عصبيتة و اعتراضة عليك.
لا تنتقديه لحظتها و ماتبديش انزعاجك و اعتراضك على كلامه . و الا هايكون دة سبب انه يعترض على اى فكرة او كلمة تخرج منك و مش هاتعرف تاثر علية ولا تغيرة باى شكل من الاشكال.
رابعا : هدى الجو و حول اى موقف حماسى او اعتراض و اصرار الى هدؤ اعصاب و راحة نفسية.
خليك دايما حاطة حبيبك في جو هدوؤ اعصاب و ريلاكس
تاثير كلامك و افكارك علية هايكون اقوى .
حسى باللى هو حاسس بية و حسى بافكاره و قناعته و طريقته و اتبنى الاحساس دة.
يعنى حسسيه انك زيه بالظبط و اعكس نفسه عليكى وكأنه ينظر لمراية و شايف نفسه و هو باصص في وجهك .
مع الحفاظ على هدؤ اعصابه. حسسيه انك حاسة بروحه المعنوية و الروح اللى ورا افكاره و طريقة كلامه .
هايسلم لسحرك.
خامسا: تحلى بالهدؤ و السيطرة على النفس في مواجهة الشدائد
ظهور الشدائد و المواقف العصيبة فرصة تظهر فيها سحرك و تاثرى فيها على حبيبك .
لما يكون في عز القلق و التوتر انتى بينى على وجهك هدؤ الاعصاب و السيطرة على النفس خدى الامور بببساطة و صابرة على الى انت فيه رغم شدتة
بس لا تبينى عليكى قلق ولا شئ و بتهونى الامر على حبيبك دة بيساعد حبيبك على انة يهدى و ان اعصابة تهدى و يرتاح و يبعد الهم من على كتفة و يبصلك و هو مرتاح و معجب و عاوز ياكلك بعينه.
لا تغضبى ابدا ولا تفقدى اعصابك
سادسا: خليك شخصية نافعة لحبيبك
قدرتك على تحسين حياة حبيبك شئ مغرى جنسيا جدا بالنسبة لة .
اعطى حبيبك الاحساس بان بتعرفه على شخص زيك حياته بقت اسهل و احسن من الاول.
ماتوعديش الا لو عارفة انك هاتقدرى توفى و الا هاتكرهية فيكى.
و لو حبيبك ساعدك في اى شئ حتى لو كان بسيط بينى لة تقديرك الشديد له. حتى لو كانت غدوة حلوة .
تحذير :
كونك شخصية جذابة و ساحرة و عندك ثقة في نفسك و تصرفاتك كلها تقريبا صح و ماحدش عارف يمسك عليكى غلطة و شاطرة اوى.
في ناس هاتغير منك و هايكون همها كلة انها تثبت انك غلط في تصرفاتك و افعلاك و ممكن تحاول تثبت لحبيبك انك شخص مزيف و ماتستحقيش الاهتمام من حبيبك .
في ناس تكرة الشخص اللى واثق من نفسة و تضايق منة جدا و كل همها انها تضايقة .
حل الموضوع دة انك تعودى نفسك على توسيع شبكة علاقاتك بحيث عدد الناس اللى بتغير منك و واقفة ضدك يبقى اقل من عدد الناس اللى بتحبك و واقفة فى صفك .
و الناس اللى في صفك هايحفظوا غيبتك و يدافعوا عنك و انت غايبة.
https://fbcdn-sphotos-d-a.akamaihd.n...93518507_n.png
موضوع حصري لمنتديات شباب باتنة
