أساسيات الباث والطريق للإحتراف بالخط الحر والرسم ..الجزء الاول

[align=right][align=right]بسم الله الرحمن الرحيم,,[/align][/align][align=right][align=right]

ها هو أول دروس في دورة الخط الحر..

أكتفيت بالدرس مفصل الاول كدعايه بسيطه للدوره

الدرس مفصل شويه طويل..يعني ان كانك سهران..ولا متضايق.. حاول تشوفلك جلكسي كيك.. مع بلاك كووفي..وانت تقرأ الدرس مفصل..

بس صدقووووووووووني سهلل مررره... وراح تشوفون..


في البداية أحب اقولكم ان الخط الحر في الفوتوشوب يعتمد إعتماد كلي على شيين:

1) الباث
2) الفن الفكري

الفن الفكري<-- متعوب عليه:D

عموما ما عليكم من هالفن..

بعدين راح تكتشفونه بنفسكم..

الحين علينا بالباث..

اااه يالباث وش سويت بالعالم.. عقدت العالم الله يهديك

ناس كسرت كمبيوتراتها :d

وناس تهاوشت مع اللي جنبها
:D

انت مشكلجي يالباث

لكن انا اوريك..

ان ما خليت الشله اللي هنا يتدوسون ابطنك:D

ما اكون انا رومنسي

،،


نجي في البداية اقولك وش الباث؟

الباث يالربع بكل بساطة اداة في الفوتوشوب تساعد على رسم المنحنيات ..

وعند رسم المنحنيات..نرسم اي شي في بالنا..

سواءاً خط حر..رسمه..تحديد..منحنى

أداة الباث اداة رائعه من يتقنها.. يصل إلى مرحله عاليه في الإحتراف بالفوتوشوب..

يعني يقدر بكره يصير مدرس مفصل خصوصي بأوقات العصريه :D


...


نجي أولا لهذا اللي مسوي الزحمه( الباث)

اكيد الحين فيه احد منكم يتفلت يقول وينه وينه..

هذا هو>>>>http://www.mnab33.com/bath1.jpg


هلمووو عليه

اشبعوه ضرباً مبرحاً

ويالبنات صكوووه طراقات(كفووف)

شوشوا شعره :D

عاد الحين يجي واحد داخل عرض

يقول: وينه بعطيه طراق ..بوديه لعراق

<-- سوالف اخوي عزوز

:D


الظاهر اني خذت الموضوع هذره..

خلاص خلاص.. ما دامك تعرفتوا على شكل الباث.. الحين نجي نحلل شخصيته تحليل كامل..

:: كشف حساب العائلة ::
http://www.mnab33.com/bath2.jpg
http://www.mnab33.com/bath3.jpg


الأب << الباث http://www.mnab33.com/bath1.jpg

الرفله<<الباث العشوائي
http://www.mnab33.com/bath4.jpg<-- حوائيه

الشقردي<<مضيف الدعامات(النقاط)
http://www.mnab33.com/bath5.jpg


الردي<<سارق الدعامات(النقاط)
http://www.mnab33.com/bath6.jpg


عقبيرنوو << من اسمه :D
http://www.mnab33.com/bath7.jpg


الحين نجي للسواق والخدامه...

الخدامه<<مرتبة الدعامات
http://www.mnab33.com/bath8.jpg

السواق<<ناقل الدعامات
http://www.mnab33.com/bath9.jpg:::

طبعاً الرفله ما راح نستفيد منها إلا في جهاز البن توول نفسه

(جهاز القلم الرقمي)

عباره عن لوحه..وقلم يستطيع الواحد يرسم على راحته

<-- طبعاً ما جربته


::::

نجي للأب
http://www.mnab33.com/bath1.jpg

هذا الأب هو اللي راح نعتمد عليه تقريباً بنسبة 80 %

لأنه هو الأساس


خلنا نجرب وش يسوي الأب

نفتح الفوتو..

نحاول نختار مقاسات كبيره

مثلا 600 في 600

عشان ناخذ راحتنا كلياً

..بعد ما فتحنا الفوتو..

نختار اداة الباث

ايواااااااااا نجي لشي مهم جداً كثييير غافل عنه

الأب(الباث) الله يهديه شخص عنده انفصام شخصية..

مره امريكي ومره عربي..
<-- لحد يدقق

:D

النظام الامريكي سهل جداً بدون تعقيد..

والنظام العربي معقققد يبيله شغله..

همسه:
طبعاً معقد لأننا إذا رحنا لأي مكان ولأي معامله لازم واسطه عشان تصير سهله


وابشركم تراني واسطه
<--- أووخص يالواسطه

:D

يعني انشالله انه سهلللل وبتشوفون..

بس خلنا على النظام الامريكي اول شي وحده وحده

او بالاحرى خلنا نفهم اداة الباث عدل عشان نكون عارفين كل شي عنه وجاهزين للعمل

مثل ما تشوفون فوق.. فيه مربعين فوق..

شوفوا مثل كذا <<<
http://www.mnab33.com/bath10.jpg

مربع بدون راس قلم..ومربع براس قلم

حزروا فزرووووا :D

وين النظام الامريكي وين العربي؟

النظام الامريكي المربع ابو راس
http://www.mnab33.com/bath11.jpg

النظام العربي المربع ابو بدون راس :D
http://www.mnab33.com/bath12.jpg

شغلنا بالخط الحر بالبدايه بيكون على النظام الأمريكيhttp://www.mnab33.com/bath11.jpg

توكلوا على الله واختاروا النظام الامريكي... تراه بدون فيزا ..مجاناً :D

<-- متعقد من الفيز

ايوا الحين اخترنا النظام الأمريكيhttp://www.mnab33.com/bath11.jpg

واخترنا الأبو ..

باقي علينا الحين نشوف وش يقدر يسوي هالأب؟ وش المميزات..ووش الإبداعات اللي يمكن يورينا؟
<-- مجلة الأسره :D

طبعاً ما يحتاج اقولكم ان الأب هذا بصراحه مو هين... ادهشني بقدراته..




...

بعدما اخترنا اداة الباث.. واخترنا النظام الامريكي..

نجي لمنطقة العمل عشان نبدأ مشوارنا مع اكتشافات الباث..وشرح طريقةها..

اول شي لازم تركزوووون بعد ما اقول انتبااااااااااااه


..

..

..

انتباااااااااااااااااااه
..

..

..

نضغط على الماوس بالزر الأيسر ضغطه وحده

نلاحظ اننا كونا نقطه>>http://www.mnab33.com/bath13.jpg

نروووح لمنطقه بعيده شوي.. ونضغط ضغطه وحده
>>
http://www.mnab33.com/bath14.jpg
نلاحظ اننا كونا خط مستقييييم بدون انحناءات

طيب كيف نكون الانحناءات

انا اقولكم كيف..

نضغط على enter عشان نلغي النقاااط ونبدأ من جديد

في البداية نفس الخطوه.. نضغط ضغطه وحده لنقطة البداية..

نروح لمسافة بعيده شوي.. ونضغط ضغطه بالزر الايسر لكن ما نشي يدنا من الماوس..

لحظة ضغطنا للنقطه الثانيه نحرك الماوس فوق تحت..يمين يسار لما نحدد الإنحناء اللي نبيه

ولو وصلنا إلى نتيجه مقاربه للي نبي نوصله.. ما فيه مشكله.. اداة (الخدامه ) تساعدنا:D

اترككم مع الشرح طريقة لإيضاح النقطه

إنتظر تحميل الصورة
http://www.mnab33.com/7orr1.gif


طبعاً اثناء عمل الانحنائات لم ازل يدي عن الزر الأيسر من الماوس..

لاني لو ازلتها سيتوقف عمل الإنحناء ولو اردنا التعديل إما بإلغاء النقطه وإرجاعها إلا البدايه بالضغط على Ctrl+Z او الإستعانه فيما بعد بأداة( الخدامه )


بعدما عملنا الإنحناء اللي مدووخ العالم.. نجي نكمل الإنحنائات لما نطلع الشكل اللي نبيه

مثلا على السريع مثال

(انتظر تحميل الصوره)

http://www.mnab33.com/7orr2.gif


مثل ما شفتوا..

خرابيط باثويه*

باثويه= مستخرجه من باث

وقيل أنها تعني بلد اثيوبيا
<-- برااااااااااااااااااا



:D


:::

ايوااااا الحين شفنا كيف تكوين الإنحنائات.. وهذي احد المشاكل اللي يمكن تحصلك..
http://www.mnab33.com/7orr3.gif


طبعاً والسبب هو اننا اخترنا النظام العربي

بس ابي افهم الحين اللي طاح بهذي المشكله..ليش عنصري؟
:D

////\\\\

ايوااا الحين نجي لنقطة جديده...

والله سوينا نقاط وانحنائات.. لكن فيه بعض النقاط انحنائها مو عاجبنا..

نبي نعدل شوي بالميلان..

او نبي نحرك نقطه معينه بحيث اننا نخليها ابعد أو اقرب...

يجي الحين شغل (الخدامه) يا أنها مفيده :D
http://www.mnab33.com/bath8.jpg

ياحظهم اللي عندهم خدامه (اندنوسيه) يا أنها مطيعه

عموما اللي خدامتهم هنديه لا يعصب.. ترى كلهم شغلهم واحد

واحلى ما في خدامات الباث انهم ما يسافرون على طول عندك

هههههههههههههههه

:D

هذا هي قائمة العمال(السواق والخدامه )
http://www.mnab33.com/bath9.jpghttp://www.mnab33.com/bath8.jpg
طبعا الحين نختار الخدامه..

ونعدل النقط اللي نبيها..

واترككم مع المثال التالي..
http://www.mnab33.com/7orr4.gif

طبعاً انا اللي ابي اوصله.. انكم تفهمون الفكره..

نلاحظ ان النقاط اللي حددناها بأداة الباث الأساسيه ( الأب )

تكونت له اجنحه.. لا تخافون ماهو باعوض.. هي نفسها النقاط :D

هذي النقاط اللي تكونت تساعد على تعديل الإنحنائات.. اما النقاط الأساسيه هي لنقل النقطه..

واتوقع المثال اللي فوق كافي ووافي لشرح طريقة الأداة..



الحين طبعاً تسألون.. والسواق وش يسوي ؟؟؟؟؟؟؟؟؟؟؟؟


بشكل عام السواق مامن فايده إلا النقل.. يعني مثلا تبي تنقل جميع النقاط إلى النص.. او إلى الأعلى.. هو بيقوم بالعمليه ..

اتركمكم مع المثال..
http://www.mnab33.com/7orr5.gif


هاه شرايكم بالسواق.. :D مفيد صح خخخخخخخخ

قايلكم..

والحين وبحمد الله تعلمنا أهم 3 نقاط بأداة الباث.. إللي بتقودنا إلى الإحتراف..

نقطه مهمه.. الإنسان عندما يتعلم شي جديد.. يجد صعوبه في البدايه..لكن مع الممارسه ..يلاحظ ان المسأله سهلللله جداً

لكن انا ما راح اخليكم.. باعطيكم هوموركات(واجبات ) .. بأخليكم تقولون اوووف من هالدوره .. وش تبي هالدوره :D

تقعدون تحلون الواجب دقيقتين ونص ساعه تفحيط بالمنتدى forum <-- المذاكره اثناء الإختبارات:D


وان طفشتوا ادري.. بتقولون: يمااااااااااا ابي اكل جوووعااااااااااااان

عاد لا اوصيكم .. لحد ينسى احد..تراني جوعااااااااااان :D


هههههههههههههه


لالا انشالله انكم بتستمتعون بالواجبات.. لدرجه اذا احد جاء جنبكم يخرب عليكم ..كفختوه :D


ايه هذي احد نظرياتي في عالم المذاكره .. واحتمال كبير انها راح تدرس مفصل بالجامعات قريبا..
<-- حيث ليس للاحلام حدود

مو للإبداع.. لا للاحلام :D


احلام ولا اصاله <-- قير اوت (get it out)


ما تلاحظون اني قالب templateها سوالف :$


عاد لحد يشره وش نسوي..نحاول نمتعكم بالدرس مفصل...

احم احم..

:::

لحظه لحظه مين هذا اللي يسولف اثناء المحاظره..

MASSARI وجعوووووووووووه انا ماني قايلكم لحد يسولف مع اللي جنبه..

يالله براااااااااااااا


ولا اقول خلاص.. تعال ... وقف عندي هنا وارفع رجل وحده لمدة 5 دقايق.. عشان محد يسولف مره ثانيه :D

<-- اوووخص يالشديد..

خلاص خلاص دقيقتين..


ولا اقول.. اخر مره انزين..ارجع

<-- مشكلة قلبي رهيف

يالله خلنا نرجع للشرح طريقة.. ..اخرت علينا الوقت الله يهديك يا مساري..

الله يزوجك ويزوجني قل امين..

<-- يا حبك للزواج :D


::::


والحين خلصنا من كبار قوم الباث..
http://www.mnab33.com/bath1.jpg
http://www.mnab33.com/bath8.jpg
http://www.mnab33.com/bath9.jpg


باقي الحتاحيت..

الشقردي والردي..
http://www.mnab33.com/bath5.jpg
http://www.mnab33.com/bath6.jpg

طبعاً وظيفتهم وااااااااااضحه جداً بس انا اقولك وش الحالات اللي نستفيد منهم..


نجي اولاً للشقردي..
http://www.mnab33.com/bath5.jpg

ولا اقول للردي.. عشان يصير ختامها مسك..
http://www.mnab33.com/bath6.jpg


طبعاً في بعضهم من زود الحرص مزووود النقااااط وهذا خطأ

وزي ما قلت مع الأستمراريه راح تعرفون هالشي..وتلاحظون ان كثرة النقاط..تضر.. وقلتها تضر..

طبعاً مو بكل الحالات لا بحالات معينه..


مثلا:

والله اضفنا نقاط كثيره... ولاحظنا اثناء صبغ الخط بلون معين..وجود خلل..

هذا الخلل ناتج عن كثرة النقاط..

يمكن راح الخبطكم بس بأوريكم مثال انشالله يبين لكم الخطأ من كثرة النقاط وقلتها..

http://www.mnab33.com/7orr6.gif

زي ما تلاحظون ان حرف الميم كانت بشكل غير منتظم بسبب نقطه زائدة..

أدري انكم تبون تكتبون زي كلمة ( من ) اللي بالمثال .. بس صبراً جميلاً..

زي ما اتفقت معكم..نقطه نقطه إلى الإحتراف..

::::

تصدقون لما قلتلكم قبل شوي ( نقطه نقطه إلى الإحتراف) عائلة الباث كانوا ( يتقهقون من الضحك قهـ قهـ قهـ)

و(يتكركرون من الضحك كر كر كر ) :D

<-- متعوووووووب عليها ههههههههههههه

لكن انا اوريكم يا عائلة الباث.. سوف اخليكم اضحوووووكه امام الناس..

وحينها انا الذي سوف ( اتقهقهـ من الضحك قهـ قهـ قهـ) و( أتكركر من الضحك كر كر كر)

:D
::::

اما الشقردي.. نفس الحكاية.. وهذا مثااال سريييع..
http://www.mnab33.com/7orr7.gif





طبعا نرجع ونقول ..إذا بغيت تلقي حدود الباث اضغط على enter من الكيبورد....



والحين خلصنا عائلة الباث..

..لحظه لحظه..

يوووه الظاهر اني شيبت ما صرت انتبه.. نسينا عبقرينوووووو

:D

http://www.mnab33.com/bath7.jpg
يا هذا عبقرينو انه مو بهين.. صاير زي الثعلب.. مسوي نفسه ما يعرف شي.. وهو عنده قدره عجيبه..وقريبه من ابوه...

طالع على ابوه ما شاء الله عليه..بس الله يهديه ما يطيع ابوه.. كله وقته برى البيت ومع ربعه.. الله يهديه بس


ايوا .. عبقرينووو.. وش يقدر يسوي.. ووش وظيفته..؟


انا اقولكم..

الحين لما كنا عند الأب..http://www.mnab33.com/bath1.jpg

كنا نحدد النقاط...واثناء تحديد النقطه نحرك الماوس يمين يسار..عشان نعمل الإنحناء..

ايوا.. هذا عبقرينو..يعيد عمل الإنحنائات من جديد ..

مثلا فيه انحناء والله الخدامه ما عرفت تضبطه..وش نسوي....بعضكم بيلغي الشغل كله ويبدأ من جديد..

انا اقولك لا لا .. عبقرينو على اسمه.. بيخليك تتحكم بالإنحناء من جديد..

اكيد تحسوون بشوية لحسه.. وتبون مثال.. وهذا مثال

http://www.mnab33.com/7orr8.gif

ملاحظه: اثناء الضغط بالزر الأيسر من الماوس .. لا تشيل اصبعك إلا لما تعمل الأنحناء الذي تريده...


:::

والحين خلصنا الباث وعائلته.. واكرر قولي.. ان هذي الأداة محتاجه تدريب..وممارسه.. لا شفتوا نفسكم فاضين.. حاولوا تتدربون عليها... وتجربون..وتكتشفون


:::


بعدما ما فهمنا عمل اداة الباث والأدوات التابعه لها...نجي الحين لعمل الصبغ على المنحنيات ..

طبعاً حالياً انا وصلت لأخر النقاط بالدرس مفصل الأول.. وبالدرس مفصل الثاني راح انتعلم اشياء جديده بإذن الله..

الموووهيم..

لا خلصنا من عمل الشكل اللي نحبه بأداة الباث..

نروح نحدد سمك الحد بالشكل اللي نحبه.. بالذهاب إلى الفرش

نختار الفرشاه المناسبه..


انتبهوا>> بعد ما اخترنا الفرشاة المناسبه.. نرجع لاداة الباث.. ونروح للشكل اللي عملناه ونضغط بالزر الأيمن من الماوس..ونختار Stroke Path

بيجينا مربع حوار.. نختار اداة الفرشاة (Brush) ومن ثم موافق..

وهذا مثال حي على الخطوات السابقة..

http://www.mnab33.com/7orr9.gif


طبعاً انا اخترت فرشاة سميكه مره .. مثل ما تشوفون..

يعني لازم نرجع الخطوات ونختار فرشاة مناسبه..

لكن الطريقه اللي انا ابي اميزكم فيها.. هي طريقة ( شّـــد الاطراف )

طبعاً انا ماني عارف كيف اوصفها لكم لكن راح تفهمونها بالشرح طريقة التالي.. وهذي الطريقه تفيد في كتابة الكلمات.. واللي راح نبدأ فيها مشوارنا.. في الدروس التالية..

http://www.mnab33.com/7orr10.gif


وبحمد الله خلصنا من الدرس مفصل الأول الطويل.. وانا اعتمدت اخليه سوالف ووناسه..عشان ما تتعقدون من هالأداة.. واثبتلكم إنها سهله لأخر درجه لكنها تحتاج إلى التركيز والمثابره..



وفي النهايه.. اتمنى من كل قلبي.. ومن اعماقه.. انكم استفدتوا من شرح طريقةي..وفهمتوا كل الخطوات..

وهدفي الأول والأخير هو ان اجعلكم ملمين بالباث بكافة وسائله وطرقه...

واي شي .. واي استفسار..واي سؤال.. انا حااااااظر وموجود.. والأجوبه بتكون شرح طريقة بالفيديو كما شفتوا بالدرس مفصل..

لأني ما راح اسمح لأي شخص مشترك بالدوره..يطلع ولا هو فاهم شي..

وياليت تقرون الموضوع اكثر من مره..يمكن طافت عليكم نقطه .. او خطوه..


ملاحظة: هذا الدرس مفصل جزء من دروس دورة الخط الحر...ومن أراد التسجيل في الدوره وإكمال الدروس الآخرى يجب عليه التسجيل بالدوره ^^

من خلال هذا الموضوع

أضغط هنا


لكم أطيب تحية http://www.dzbatna.com/images/smilies/cupidarrow.gif

فمان الله،،[/align][/align]



شكر خاص لإدارة منابع الإبداع لسماحها بنقل هذه الدوره الرائعه http://www.dzbatna.com/images/smilies/cupidarrow.gif



https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©