ماذا تفعلين لوكان زوجك مدمن أفلام إباحيه؟عاجل

ماذا تفعلين لوكان زوجك مدمن أفلام إباحيه؟عاجل

أخواتي الغاليات لدي صديقة على قدر من الجمال والجاذبيه لديها طفلان ,مشكلتها بدأت من أيام زواجها الأولى لمااكتشفت ان زوجها مدمن على مشاهدة الأفلام الاباحيه مع العلم انه خريج قسم شريعه وعارف الحلال والحرام بس هو مو متشدد يعني ممكن يصلي الصلاة متأخر عن وقتها لكن مايتركها -يسمع اغاني-يسمح لزوجته بعباية الكتف يعني زي مايقولون (مطوع سبور)- صديقتي ماشاءالله عليها هي إنسانه حكيمه وفاهمه وقالت يمكن يبغى يوصل لي رساله من خلال هالافلام وفعلا صارت معاه افضل من مايتمنى بشهادته هو انها ماهي مقصرة معه من الناحيه الجنسيه اطلاقا- وظنت المسكينه انه راح يترك هالعادة لكن الحال استمر على ماهو عليه سواء على مواقع النت او القنوات الفضائيه او البلو توث -طبعا صديقتي حست بجرح عميق في انوثتها وجاذبيتها بالنسبه له وتكلمت معاه في الموضوع اكثر من مره وبينت له الحكم الشرعي والاثر الصحي والنفسي لمثل هذه الامور ولكن لاحياة لمن تنادي في كل مره كانت تلاقي معاه يااما بلو توث مقاطع جنسيه او غيره - صديقتي حاولت تتغاضى عن الموضوع خصوصا ان حياتهم الى حد ما مستقرة والحب موجود بينهم لكن خافت انها تلاقي عقوبة هذا الامر في نفسهم او في اطفالهم -اليوم حاولت تفتح جواله فلقت انه مغير الرقم السري اللي كانت تعرفه ولما سالته عن السبب -وهي طبعا في داخلها تعرف انه غيره عشان ياخذ راحته الاخ ومحد يشيك وراه -عصب عليها وصرخ في وجهها انه مالك شغل فيني وماتتدخلي ومن الكلام هذا طبعا هي قالت له اذا انت مو عاجبك شكلي وجسمي ولا راضي عني ومصر على هالافلام وعاجبتك خلاص خليك عليها وانا ماراح اطالبك بشي -ايش تتوقعون سوى ؟رمى لها مخدتها ومفرشها وفال لها نامي في غرفة الاولاد طلبت منه انهم يتفاهمو لكن سكر الباب في وجههاوتركها-صديقتي اتصلت فيني تبكي ماهي عارفه ايش تسوي خاصه انها انسانه محترمه وماتبي تفضحه عند احد من اهلها ولا اهله طبعا انا حسيت ان تفكيري انشل ومخي بطل يشتغل من زعلي عشانها-تكفووووووووون يابنات الله يحرم وجهكم عن النار ويجزاكم كل خير ويسعدكم اللي عندها حل حكيم تساعدنا فيه الله يوفقكم

https://fbcdn-sphotos-d-a.akamaihd.n...93518507_n.png
موضوع حصري لمنتديات شباب باتنة