يابنات انا غلطانه والا لا بالله عيكم افيدوني

يابنات انا غلطانه والا لا بالله عيكم افيدوني

بسم الله الرحمن الرحيم
السلام عليكم ورحمة الله وبركاته
يابنات يامتزوجات اللي عندهم خبرة امانه فهموني انا صح والا غلط لأني فعلا تعبت ونفسيتي تعبت صرت اشك بتصرفاتي صح والا غلط انا مملكة لسا ماكتبلي ربي ودخلت بسبب ظروووف الله بيفرجها بس زوجي بدأيتعامل معاي ويغلطني وانا والله يشهد علي بنيتي وحصلت مشاكل والحمدلله قلت خلاص انتهت بس لاحظت اي كلمة اقولها والا حركة اعملها يحسبها عليا ويغلطني ويهزئني بطريقه جدا قاسيه وصبرت واحتسبتها عند ربي لأن ربي أدرى بنيتي وحتى ان غلطت مو ذاك الغلط الكبير كلها أشياء تحصل في أحسن العائلات المهم قلت افتح صفحة جديدة وبدأت أحسب خطواتي وكلامي معاه المهم شكله مالقي عذر يخاصمني عليه وفضل مستني ليا غلطة تقريبا كدا مدري ان كنت غلطانه بالله عليكم قولولي انا غلطانه والا لا هي اني متعودة اصحي زوجي في الصباح بس أحيانا تروح عليا نومة ويعمل عمايل وتصدقو احيانا افضل مواصله وافضل اتصل عليه واصحي فيه مايصحى ولمن تروح عليا نومه يحملني غلط كبير ويفضل يهاوش ويخاصم وانا لمن ارد بأسلوب راقي يزعل ولمن اسكت يزعل المهم آخر مرة كلمته الساعة 3 بالليل وسألتو بكرة اصحيك كان اجازة الحج بس قلت لازم اسأل قلي لا ماعندي شغل قلتلو اكيد قال ايوة وانا اساسا كنت ليا يومين تعبانه ومزكمة وماانام ومرهقة وهو عارف ونمت ماحسيت بنفسي الا الساعة 3 الظهر على اتصال منه وعينكم ماتشوف الا النور بدأ يخاصم ويقولي نايمه مااتصلتي قلتله انا سألتك وانت قلتلي ان ماعندك شي قلي برري لنفسك وقفل بوجهي الخط دا أول شي ثاني شي كان امس اتصلت على اهلة اسلم عليهم واعيد عليهم ولمن قلتله زعل وخاصم ليش تتصلي من حالك لبالك كيف تتجرأي وتطلبي ابويا وبدأ يخاصم وقلتله ليش تزعل المفروض تنبسط اني بسأل علي اهلك واسلم عليهم قلي افرضي اهلي مو فاضين افرضي عندهم مصيبه بس تتصلي قلتلو انا ماتصلت في وقت غير مناسب بعد صلاة العشا وكمان اتصلت وقت مناسبه قلي انتي مهمشتني افرضي ابويا كلمني وقلي زوجتك اتصلت ايش اقوله بالله عليكم قولولي ايش اعمل ايش اقول ايش ارد قولولي انا غلطان وان كنت اول غلطت دحين انا بصلح من أخطائي وفتحت صفحة جديدة معاها بالله ردودكم لأني بدأت افكر اتركة

https://fbcdn-sphotos-d-a.akamaihd.n...93518507_n.png
موضوع حصري لمنتديات شباب باتنة