السلام عليكم
دى اول مشاركه معاكم هنا فى المنتدى الجميل دا وحبيت تكون وصفه سهله ولذيذه ويارب تعجبكوا
المقادير
كوب مكرونه صغننه بتاعت الكشرى
كوب فول نابت مفصص او كوب فول مدشوش بتاع الطعميه مغسول ومنقوع
معلقتين سمنه
فص مسكته وفصين حبهان وورقه لورو
3اكواب مايه
الطريقه
بسيطه جدا هتجيبى حله وتحطى المسن msnه وفصين الحبهان بس اكسريهم علشان يعملوا ريحه وورقه اللورو وحطى المكرونه وحمريها لحد ماتبقى دهبى وانزلى بالمايه ووراها الفول وبس
تغلى واطفى عليها وغطى الحله وسبيها ربع ساعه وكلى اجمل طبق شوربه
بس لا تحطى ماجى ولا تحطى شوربه لحمه او فراخ هيغيروا طعمها خليها كدا وجربى هتاكلى صوابعك وراها
