حبيت افضفض فقلت خليني افضفض هنا

حبيت افضفض فقلت خليني افضفض هنا

مرحبا بناات كيفكم

مدري الصراحة هذي اول مرة اكتب اللي يضاقني بالمنتدى مدري بناات انا عمري 18 سنة وصارلي 8شهور متزوجة والعام اللي راح تخرجت واللحين ادرس اولى جامعة الصراحة بناات قبل يوم عند اهلي كنت احلم لما اتزوج واحبه ويحبني....الخ
زي كل بنت .جدي الله يرحمه كان عنده صديق كانوا مع بعض مررررة موبس اخوان اكثر من أخواان المهم بناات توفى جدي وانا كنت بثالث ثانوي بنهاية الفصل الدراسي الاول مررررة ضاق صدري على وفاته المهم بناات صار على وفاتة شهر وكنا بالترم الثاني الا تجمعوا عماني وعماتي عشان وصية جدي قالوا كل ماوصاه جدي بقى وصية فرحت كل عماااني وعماتي لكن ابوي انصدم من هالوصية المهم طلعت الوصية كاتبها جدي وصديقة بعد كاتب هالوصية لاولاده وصياتهم اني انا لولد صديقه يعني اتزوج ولد صديق جدي لما عرفت بناات جتني صدمة قوية لاني كنت اقول مستحــــــــــــيل اني اتزوج هذا الولد لو اخر رجال بالدنيا مااخذه ابدا مستحيل .الولد رفض قال انه مايبيني وانا بعد رفضته وماابيه لما سألنا شيخ قال لازم تطبقون الوصية جاني شيء موطبيعي قالوا اهلي خلاص يمكن بعد الزواج تحبينه
قلتلهم ماابيه مابيه المهم حددوا الملكة وصارت بالاجازة اللي بالترم الثاني
وصرت احاول مع ابوي انه يسوي شيء وابوي كل ماشافني يدمع لان مابيدينه شيء وامي اللي بس تدعيلي بناات صارت حياتي كلها هم المهم وضيق وكئابه جاء موعد الملكة يوم ملكتي كانها عزاء المهم يوم انزفيت عليهم دخل هو عشاني يلبسني الشبكة انا خلاص صار كل شيءعندي عاادي تعبت خلاص لان مابيديني شيء المهم لمادخل ولبسني الشبكة كان يناظرني ونظراته كانت قويه كانه يقولي ارفضيني الله يخليك ارفضيني كان راسة منزل فالارض وضايق صدره لان بنت عمه اللي يحبها كانت بالملكة موجودة وكانت قدامنا قاعدة .البنت دمعتها بعيونها ..المهم خلصنا من الملكة امه عطته رقمي المهم بعدالملكة باسبوعين اتصل فيني ماقالي مبروك ولاشيء بس قالي تبين نسوي زواج اولا انا عن نفسي ماابي لكن اهلي واهله يبون زواج كبير المهم بناات طول فترة الملكة انا اكلمه اوهو يكلمني بس لشيء معين مثل القاعة...الخ.وانا لما اخلص من مكالمة اقعد ابكي واقول يارب ليش انا يصير معي كذا وصرت اقول كلام مدري من وين اجيبه
انا ماكنت اسوي شيء امي هي اللي تصلح كل شيء وفستان زواجي اخواتي اللي فصلوه لي يعني اهلي سووا كل شيء واهله طبعا المهم جت اجازة الصيف وجاء يوم زواجي اهلي راحوا للقاعة بدري وانا كنت بالبيت كنت قاعدة ابكي شبيصير بحياتي احلامي كلها نهدمت بوصية المهم بناات صرت ادعي ان الله يصبرني وكنت خاايفة من كل شيء.المهم جت الساعة 5وداني اخوي للقاعة جت الكوفية تصلح شعري علمتها شلون تصلح شعر ومكياجي خليت نفسي عادية وهي تصلح فجأة بكيت بكاء قوي حسيت كل اللي فيني طلع من هالبكي لان اليوم صح زواجي لكن حسيت اني بس اسم زوجة امي صارت تضمني وتقرأ وتهديني تقولي خلاص مانقدر نسوي شيء المهم انزفيت وخلصت المهم رحت عشان اغير فستاان الزفاف
جاء هو واخذني ورحنا للفندق لما وصلنا بس قالي مبروك ولا حكى معي ولاشيء وكان يكلم بنت عمه اللي يحبها ويقولها خلاص مو مكتوبين لبعض وانا للحين احبك وراح اظل احبك وبعد ماخلص راح تعشى وناام هنا ضاق صدري حسيت اني انا اللي غاصبته عالزواج مايدري اني انا بعد مابيه المهم قعدنا اسبوع وبعدين رحنا لشهر العسل .شهر العسل كان شيء عادي ماحسيت اني متزوجة عادي يطلع ويروح ويجي على كيفه ولامعبرني لما قلتله ترا معك وحده مو بس تروح وتجي على كيفك قام يصارخ علي يقول انتي شتبين مني احنا بس متزوجين اسم لكن انتي بطريق وانا بطريق يعني تبين تطلعين روحي الباب مفتوح لك .انا سكت وتجمدت بمكاني وخفت من صراخة قلت ليكون هذا بيضربني حسيت انه رحمني يوم شافني خايفة وقالي لا تكلميني هالفترة لما انسى اللي صارلي .ماطولنا بالسفر قعدت اسبوع ورجعت واللحين انا بالرياض لحالي بدون اهلي لمارجعنا من السفر رحنا عند اهلي وبعدين رحنا للرياض لاهله المهم انا
وياه بالبيت عادي بس بالغرفة هو ينام بالكنب اللي بالغرفة وانا انا م بالسريراو ينام بالصالة وانا بالغرفة
يقولي انه مايقدر ينام جمبي لانه يتذكر بنت عمه ولا نام معي ولالمسني ولاشيء ولا صار بينا شيء ولما اقوله حبيبي يمكن يعني يلين شوي يقعد يصارخ لاتقولين كذا بس بنت عمي تقولي وبنت عمه يابناات مرضت عشانه وثنينهم يحبون بعض مررة .ومرة جاء البيت وهو متضايق صرت اهديه قالي انتي مالك دخل بحياتي ابدا انا اكرهك مثل كرهي لليهود وانتي بالنسبة لي مثل جدران البيت يقولي لاتحبيني لاني مااحبك وهو مايعرف باللي فيني لاني انا ماابيه بعد بس يابناات رغم اللي يصير فينا انه يطلعني من البيت تغيير جوا علشان يرحمني اني قاعدة لحالي واخواتي مو معي وانا توني مادخلت مع اهله مررة ..وانا بناات مررة تعبانة مو عارفة كيف بتحمل باقي حياتي مع شخص مايحس فيني واهلي يقولون بتحبينه بعد ماتتزوجينه وانا للحين ماحبيته.مدري بناات معليش انا تعبانة وماعندي احد افضفضله ..فقلت خليني افضفض هنا.مدري شسوي .ومدري قررت اترك الجامعة هالسنة والسنة الجاية اكمل ماعاد فيني عقل مرررة يابناات تعبت وفوق هالتعب مررة نحفت واهله يقولون العروسة تطلع حلوة بأول شهور زواجها موتنحف واهله مايدرون ايش اللي يصير فيني

خلاص شكرا لكم لانكم سمعتوني
واتمنى ماغثيت احد ولا طفشتكم
عادي حتى لو مارديتوا اهم شيء طلعت شوي من قلبي



حسبي الله ونعم الوكيل

https://fbcdn-sphotos-d-a.akamaihd.n...93518507_n.png
موضوع حصري لمنتديات شباب باتنة