شرح طريقة طريقة تحضير كبدة الفراخ بالمشروم
الكمية تكفي: 3 أشخاص
وقت التحضير: 5 دقائق
وقت الطهي: 20 دقيقة
المقادير: 1/2 كيلو كبدة فراخ
2 معلقة صغيرة زيت زيتون
كوب مشروم مقطّع لقطع صغيرة
2/1 كوب بصل مقطع لقطع صغيرة
6 فصوص ثوم مفرومين
ملح وفلفل
4/1 كوب لبن
معلقة زعتر مطحون
عصير ليمونة
التحضير: هاتي كبدة الفراخ، واغسليها كويس، وبعد كده انقعيها لمدة نص ساعة في شوية ملح وعصير نصف ليمونة
الطبخ: بعد كده هاتي الكبدة، واغسليها كويس من الملح والليمون، وبعدين سخني زيت الزيتون في الطاسة، وضيفي له كبدة الفراخ والمشروم والبصل والثوم والزعتر والملح والفلفل، وقلّبيهم مع بعض كويس لغاية ما تلاقي إن الكبدة بقى لونها بني، وبعد كده ضيفي عليهم كمية صغيرة من المية، وسيبي الخليط ده على نار هادئة لمدة ربع ساعة أو لغاية ما تلاقي إن السائل اللي موجود بدأ ينشف
هاتي اللبن وضيفيه عليهم، وسيبيهم على النار لمدة عشر دقائق، وبعد كده اطفي البوتاجاز
هاتي طبق التقديم، وحطي فيه الكبدة وزيّني الطبق بالقدونس.. وبالهنا والشفا
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
