اطباق رئيسية منوعه,,وصفات منوعه
[1]
[ مشخول سمك]
المقادير .. :
1- 10 شرايح سمك كنعد [ او حسب الرغبه ]
2- بصل - ثوم - فلفل بارد - ورق غار - قرفه -
3- 5 كاسات رز مغسوله
الطريقه ..
نقطع البصل ونضيف له شوي زيت حوالي نص بياله ونجيب شرايح السمك بعد مانغسلها ونرشها بفلفل اسود مطحون ونحطها بالدور تتحمر في الزيت ..
وبنفس الوقت بقدر نحط البهارات [ ورق غار * قرفه *مسمار ] ونص حبه الفلفل البارد و4 ملاعق صغيره ملح ناعم
ونصب عليهم مويه ونخليه يغلي ..
ثم نشيل قطع السمك بعد مايتغير لونها بالطريقه هذي ..
ونضيفها على قدر المويه ..
ونتركها تطبخ خمس دقايق ..
ثم نجيب الرز المغسول ونصفيه من المويه ونشيل قدر السمك عن النار ونجيب قدر كبير ونحط فيه نص كميه الرز ثم نحط عليه شرايح من السمك ثم باقي الرز وباقي الشرايح ثم نشخل عليه مويه السمك ..
ونرجعه على النار ..
بالوقت هذا ناخذ شريحتين سمك وندهنهم بصلصة الصويا ... ثم بطحين ..
ونقليهم ..
واذا ارتفع الرز بالطريقه هذي .. نضيف له بصل محموس مع زيت وبهارات مطحونه وفلفل احمر ..
وبعد مانقلي السمك ناخذ حبه ونحطها على وجه الرز عشان الطعم فقط .. [ اختياري ]
ونخليه ع نار هاديه حوالي نص ساعه ..
ثم نقدمه . .
نشيل السمك من الوجه ..
ونحاول نغرف الرز بشويش عشان طبقه السمك الثانيه ماتخرب ..
ونزينه بالليمون ..
او نقدر نشيل الفلفل الاحمر ثم نقلب القدر بصحن التقديم ..
وأتمنى أن يحوز على أعجابكم
وبالعافيه عليكم
[2]
[اللزانيا رول ]
المقادير .. :
1- شرايح لزانيا
2- صدر دجاج مقطع مكعبات
3- بصل + ثوم
4- علبه طماطم + 2 ملعقه معجون الطماط
5- جبن بارميزان + جبن قشقوان او موزريلا
6-ملعقه صغيره اوريقانو + فلفل اسود + ملح
الطريقه .. :
1- نقطع البصل ونحط عليه ملعقتين زيت زيتون او زيت عادي [ الأفضل زيت زيتون ] ونحمسه ع النار ثم نضيف له الدجاج ونهرس الثوم ونضيفه .. نتركه دقيقه ثم نضيف الملح والفلفل الاسود والاوريقانو ونحركهم .. ثم نضيف الطماط المعلب بعد تقطيعه .. ونضيف الصلصه نغطيها ونتركها تطبخ عشر دقايق ..
2- نسلق اللزانيا في مويه وملح ..
3- نبشر جبن القشقوان + البارميزان ..
4- بعد مانسلق اللزانيا عشر دقايق والدجاج يطبخ عشر دقايق نجيبهم مع الجبنه ونبدا بالشغل ..
نفرد الشريحه .. ونحط عليها ملعقه كبيره من الحشوه .. ونرش عليها جبن مبشور ونلفها رول ..
ونصفها في صينيه نكون حاطين فيها كاس صلصه طماط منزليه *
5- بعد مانصفها بالصينيه نصب عليها كاس كريمه الخفق او [ كاس حليب + نص علبه قشطه نخلطهم مع بعض ] ونرشها بالجبن المبشور..
نغلفها بالقصدير .. وندخلها الفرن نص ساعه على حرارة 150 ..
ثم نفك القصدير ونحمرها من فوق ..
ونطلعها ..
نقدمها مع سلطه خضراء ..
وعساها بالعافيه عليكم
* الصلصه المنزليه .. = طماط + بصل + ثوم + فلفل بارد... نحمسهم بزيت ونضيف لهم ملح وفلفل اسود .. ونطحنهم بالخلاط .. ونحفظهم بالفريزر .. نستخدمها في البيتزا + الشوربه + المكرونه + البيض المقلي ..
[3]
[ برياني دجاج سريع ]
المقادير ..
3 كاسات رز مغسوله ومنقوعه بمويه
2 صدر دجاج مقطع مكعبات + علبه .ادي
حبه بصل + قطعه زنجبيل + طماطه + بقدونس + نعناع + فلفل اخضر حار
بهارات برياني .
الطريقه ..
نقطع البصل ونحمره في بياله زيت .. ثم نضيف له الزنجبيل مقطع شرايح .. ثم الدجاج ونقلبه 3 دقايق ثم الطماط بعد تقطيعه ..
نضيف عليه ملعقه من بهارات البرياني و بقدونس مفروم تقريبآ ملعقتين .. ثم علبه ال.ادي ونصب عليه كاس مويه ونتركه يغلي ..
ثم نرشه بملح وفلفل اسود ..
نسلق الرز بمويه وملح او مكعب ماجي للرز الابيض ..
نترك خلطه البرياني على النار 10 دقايق فقط .. ثم نخلطها مع نص كميه الرز ..
ونتركه ع النار 3 دقايق ليكتسب الرز الطعم ..
بالوقت هذا نقطع فلفل اخضر حار شرايح ونقلي شوي بصل ..
ثم نخلط باقي الرز الابيض مع البرياني ..
نقدمه بعد مانرشه بالنعناع المفروم والبصل والفلفل الحار ..
بالعافيه ..
[4]
[ برياني خضار ]
المقادير ..
حبه جزر + 4 فاصوليا + حبه بطاطس صغيره + فنجال بزاليا
بصل + ثوم مفروم + زنجبيل
مسحوق الفلفل الحار + كركم + علبه .ادي
نعناع مفروم + بقدونس او ك.ره
حسب الرغبه.. [ دجاج ]
3 كاسات رز [ استخدمت ابو بنت ]
الطريقه ..
نقطع البصل ونحمسه بالزيت حوالي 3 ملاعق .. ثم نضيف الثوم والزنجبيل ..
نضيف الدجاج ونتركه يطبخ 3 دقائق .. اذا ماترغبون الدجاج نضيف الخضار ..
نضيف البهارات والملح [ مكعب ماجي حسب الرغبه ] وملعقه صغيره كركم وفلفل حار مطحون ..
نضيف له كاس مويه + ال.ادي .. ونتركه يطبخ خمس دقايق على نار عاليه ..
ثم نصبه بقدر ..
نسلق الرز مع مكعب ماجي للرز الابيض .. او مع ملح وفلفل اسود ..
ونضيفه لخلطه الخضار ..
نتركه على النار 10 دقايق .. ثم نقدمه بعد رشه بالنعناع والك.ره ..
بالعافيه ..
[5]
بخاري يامدور
لمقادير والطريقه ..
دجاجه مقطعه 8 قطع بدون الجلد + 3 كاسات رز + بصل + جزر مبشور + نص كاس زيت + ملح + ملعقه كبيره سكر + طماطه + معجون الطماط
نقطع البصل ونحمسه مع الزيت ثم نضيف الطماط والدجاج ونقلبه 10 دقايق ..
نضيف الصلصه ومويه ونتركه يطبخ لمده نص ساعه ..
نصفي الدجاج من البصل والطماط ..
نكب الرز المغسول ع مويه الدجاج .. ونخلطه مع الجزر .. ونتركه ينشف .. ثم نضيف السكر ونحرك .. ونتركه 10 دقايق ع النار ونقدمه بعد تحمير الدجاج في الفرن ..
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
