اكلات
حديثة ولذيذة
السلام عليكم أخواتى الحبيبات
أنا أنهارده جيبت لكم وصفات لذيذه يارب تعجبكم
تشيكن كريسبى
شيش طاووق
فراخ بانيه
ستيك مشوى
اللحمه البارده
الوصفه الأولى :تشيكن كريسبى
فراخ قطع-ملح-فلفل-عصيرليمون-عصير بصل-خل-ثوم مفروم-كسبره ناشفه-دقيق-بيض-بقسماط
1-نعمل فتحات فى الفراخ تصل الى العظم علشان تستوى كويس
2-نتبل الفراخ بالملح والفلفل وعصير الليمون وعصير البصل والثوم والكسبره الناشفه والخل وتترك لمدة 16 ساعه فى الثلاجه
3-نغطى الفراخ بالدقيق ثم توضع فى البيض(به ملح وفلفل)ثم تغطى جيدا بالبقسماط(متبل بملح وفلفل وكمون وقرفه وزنجبيل وزعتر وشطه)
4-تحمر فى زيت غزير وسخن ثم نهدى الحراره وتترك 20 دقيقه حتى تستوى جيدا
ملحوظه:لو الفراخ أستوت ومش كريسبى نعلى النار دقيقتين هتقرمش وتبقى جميله
وبالهنا والشفا
أنتظرووونى فى باقى الوصفات
الوصفه الثانيه:شيش طاووق
طماطم مبشوره-صلصة طماطم-ثوم-زبادى-ملح-فلفل-كمون-زعتر-قرفه-زنجبيل-شطه-أوراك فراخ مكعبات-فلفل ألوان مكعبات-بصل مكعبات-طماطم مكعبات-زيت
1-نخلط كل المقادير مع بعض ماعدا مكعبات الفلفل والبصل والطماطم
2-نترك مكعبات الفراخ فى التتبيله 12 ساعه فى الثلاجه
3-نضع مكعبات الفراخ مع الفلفل والبصل والطماطم فى الاسياخ الخشبيه ثم نضعها على الشوايه(اللى مش عندها شوايه ممكن تستعمل طاسه تيفال سخنه ومدهونه بقليل من الزيت) ثم نضعها فى صينيه مدهونه بقليل من الزيت فى الفرن علشان تستوى كويس
وطبعا دى أكله صحيه علشان اللى عاملين دايت
وبالهنا والشفا
الوصفه الثالثه:الفراخ البانيه
صدور فراخ رقيقه-ملح-فلفل-كمون-شطه-زنجبيل-قرفه-بصل-ثوم-طماطم-زبادى-بيض-بقسماط(متبل زى الوصفه الاولى)
1-نضع كل المكونات السابقه فى الخلاط ماعدا البيض والبقسماط
2-نتبل صدور الفراخ بالخليط السابق وتترك 12 ساعه فى الثلاجه
3-نضع الصدور فى البيض ثم تغطى بالبقسماط جيدا ثم تحمر فى زيت سخن
اللى عاملين دايت ممكن بعد ما تتبل تتشوى(زى الوصفه الثانيه)
وبالهنا والشفا
الوصفه الرابعه:ستيك مشوى
شرائح لحمه(مثل البوفتيك)-ملح-فلفل-ماء بصل-كاتشب
1-نتبل اللحمه بالملح والفلفل وماء البصل والكاتشب
2-نشوى اللحمه على شوايه مدهونه زيت
وبالهنا والشفا
الوصفه الخامسه:اللحمه البارده
عرق لحمه-5فصوص ثوم سليمه-ملح-فلفل-معلقه بهارات لحمه-2معلقه خل-2معلقه صويا صوص-حلقات جزر وبصل-معلقه زبده-ماء
1-نربط عرق اللحمه بالخيط ونعمل فتحات صغيره متفرقه ونضع الثوم فيها
2-نتبل اللحمه بالملح والفلفل والبهارات والخل والصويا صوص
3-نشوح اللحمه فى الزبده ثم نضع حلقات الجزر والبصل معها
4-نضع كوب ماء ونغطيها بالفويل وتوضع فى الفرن ويتم اضافه الماء حسب الحاجه حتى تمام التسويه
وبالهنا والشفا
