شرح طريقة طريقة سهلة لرسم الحنى على اليدين
السلام عليكم ورحمه الله وبركاته
الحنه السودة .. موضه .. شياكه ... تريح دماغ ...انا بعملها لنفسى ... بتطلع تحفه بجد .. عايزين تتعلم طريقةوها ؟؟؟
بصى ياستى انتى وهى ..هتجيبى حنه عاديه من عند العطار .. هتقوليله بجنيه حنا
هتجيبى بجنيه كمان حجر اسود مطحون من عند نفس العطار
هتحودى على الصيدليه ... هتجيبى ازازة ماء اكسجين بحوالى اتنين جنيه حاجه زى كده ...
هتعدى على المكتبه هتجيبى استكار بلاستيك لزقه قوى او تكت بتاع الكراريس وتجليد الشيت دا
طريقه العمل:-
بعد ماتروحى البيت ... هتجيبى طبق غويط شويه وصغير ... وهتجيبى فرشه روج قديمه ومش لازماكى ...هتحطى معلقه صغيرة من الحنا ... وهتضيفى ليها شويه كمان من الحجر الاسود المطحون ...وهتعملى الخليط دا بماء الاكسجين لحد مايبقى شبه متماسك ... يعنى يبقى زى طلاء الاظافر كده ... بعد كده بفرشه الروج القديمه هتبدى تحطى على ظوافرك الحنا ... وهتسبيها لحد ماتنشف ... وهتلاقيها بتتشقق ... الموضوع مش اكتر من ربع ساعه
فى حاله ان الحنا ساحت من ظافرك على الجلد .. بعد ماتغسليها بمنديل عليه ماء اكسجين بتمرريه على الاجزاء الزيادة .. وبتمرير سلك الالمونيه على المكان دا هتلاقيها طلعت كانها لم تكن ...
طريقه الرسم بقا:
هنجيب الاستيكار .. او التكت هترسمى عليه رسمه زخرفيه حلوة ...وهتبدئى تفرغيها ... وبعد كده هتفكيها وتلزقيها على ايدك ... هتبدئى تحطى الحنه فوق التكت .. او الاستيكار ..وهتستنيها لما تنشف وبعد كده هتشليها وتغسلى ايدك بالمايه عادى ... وبس..
ملحوظه :- اوعى تحطى فى خلطه الحنا اى مايه عاديه ... لان ايدك هتولع ...
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
