قصتي الاليمة مع عمليات اطفال الانابيب

قصتي الاليمة مع عمليات اطفال الانابيب



السلام عليكم ورحمة الله وبركاته

كيفكم يا احلى سيدات ... انا اليوم حابة احكيلكم عن تجربتي مع عملية اطفال
الانابيب بس قبل ما احكي قصتي حابة اخبركم انا عملت ثلاث عمليات اطفال انابيب وعملية حقن مجهري... عملية اطفال الانابيب الثانية صارفيها حمل لمدة لا تتجاوز الشهر ونزل الحمل والحمد لله وباقي العمليات فشلت http://www.dzbatna.com/vb/images/smi...8-vzp7onvp.gif
وكل هاي العمليات سويتها عند نفس الطبيب ... وخلال الفحوصات اللي كان يسويلي ياها الدكتور اكتشف الدكتور انو عندي بجسمي خلل فسيولوجي عندي المبيض اليسار موجود في الاعلى من منطقة البطن قريب من مكان الكلية والكلية في الاسفل في الحوض مكان المبيض http://www.dzbatna.com/vb/images/smi...8-n0gfapyo.gif
حسيت بحزن شديد لما حكالي الدكتور http://www.dzbatna.com/vb/images/smi...8-vzp7onvp.gif بس الحمد لله على كل حال راح تسالوني ليش الحزن راح احكيلكم خبرني طبيبي انو لما نعمل عملية اطفال الانابيب ماراح يقدر يسحب البويضات من المبيض اليسار بالطريقة العادية اللي انتو عارفينها من المهبل لانو المبيض بعيد وفي خطر عالكلية لانها تحت بالحوض والها شرايين واوردة وممكن النيدل يخبط الشريان وينفجر واتعرض انا للخطر
فاقترح دكتوري انو تم عملية السحب من البطن عن طريق نيدل رفيع يفوتو ببطني ويسحب البويضات من المبيض ... ومن هنا بدت معاناتي خفت انا وزوجي وترددنا وبعد تفكير قبلنا ووكلنا امرنا لرب العالمين وبعد العلاج والمنشطات حدد الدكتور موعد العملية وبدت الاجراءات
قبل العملية طلب مني اني اصوم قبل20ساعة من العملية واني اخد ملين عشان ما يضل شي بامعائي وقولوني عشان المبيض قريب من القولون وفي خطر كمان عالقولون اه يا قلبي
المهم عملت اللي طلبو مني الدكتور وتاني يوم رحت عالمركز عشان عملية السحب واخدتني اللمرضة وجهزتني للعملية اه شو كئيبة غرفة العمليات بس والله الطاقم كلو كانوا كويسين وحنونين ... كنت خايفة كتير وقعدت اقرا قرآن واستغفر واسبح اجا المبنج وبنجني وبعدها ما حسيت بشي ولما صحيت صحيت وانا عم ببكي و الله ما بعرف ليش مع اني مش حاسة بوجع زوجي خاف علية ولما صحصت منيح حكالي انو عمليتي طولت كتير قعدت ساعتين وعملية السحب العادية ما بتاخد اكتر من ربع ساعة وحكالي انو الدكتور ما قدر يسحب من الاربع بويضات اللي بالمبيض اليسار اللا بويضة وحدة http://www.dzbatna.com/vb/images/smi...8-vzp7onvp.gif ومن المبيض اليمين بويضتين وقلي اني قبل ما اصحصح منيح كنت عم ابكي واستغفر وبقول الحمد لله
ولما اجا الدكتور عندي واطمن علية سالته عن وضع البويضات طمني وقلي الحمد لله كلهم من الدرجة الاولى الممتازة وبعد يومين صارت عملية الارجاع
وبعد 10 ايام اتصل علية الدكتور وقللي روحي افحصي بس الحمد لله ما كان في حمل http://www.dzbatna.com/vb/images/smi...8-n0gfapyo.gif
وفي الزراعة الثانية والثالثة كانت بنفس الطريقة كان الدكتور دايما يطمني ويقلي انو وضعك ممتاز بس ما صار حمل الا بالمرة الثانية وما كمل الشهر الحمد لله انه على كل شئ قدير
انا هلا الي تقريبا الي سنتين موقفة وما رحت على دكاترة...حتى اكون صادقة بس عملت شغلة وحدة رحت عدكتور تاني وعملي عملية منظار عشان يطمن على الرحم والمبايض وانشالله عن قريب راح احكيلكم عن تجربتي مع عملية المنظار
انا اسفة طولت عليكم كتير
اللهم لا تذرني فردا وانت خير الوارثين


محبتكم عيون حائرة

https://fbcdn-sphotos-d-a.akamaihd.n...93518507_n.png
موضوع حصري لمنتديات شباب باتنة