اقوى خلطه شعر فى تاريخ البشريه

موضوع مقدم من منتديات ديزاد
منتديات ديزاد باتنة

المكونات الاول ثم الطريقه:-

اولا : المكونات:

4 ملاعق كبيره عشبه المشاط

2ملعقه كبيره من كلا من الزيوت التاليه (واللى هيا اقوى زيوت لاطاله وتنعيم و تلميس الشعر):

زيت الحيه (له اقوى فعاليه فى اطاله الشعر وتنعيم و تلميسه وازاله التقصف والهيش)

زيت الحشيش( اتكلمنا عليه فى المنتدى عده مرات من كتر حلاوته واد ايه هوا له فعاليه جامده فى الاطاله والفرد والتنعيم و تلميس وازاله القشره)

زيت الخروع (معروفه فوايده فى تكثيف وانبات الشعر وتتقيله)

زيت الخردل (يعمل على جذب الدم الحامل للغذاء الى فروه الراس الداخليه)

زيت جنين القمح (ده مش محتاج كلام فى ازاله التقصف والهيش وفى التنعيم و تلميس)

1علبه زبادى كبيره(لتطريه الشعر وازاله التقصف وانعاش فروه الراس)

كوبايه ونص او كوبايتين مغلى البصل والتوم (بصله مقطعه اربعه وفصين توم مقطعين نصفين مغليين فى ماء) طبعا ملهومش ريحه خالص لما بيتحطوا مع الخلطه وبمجرد غسيل الشعر مفيش اى اثر لاى رائحه

ثانيا: الطريقه بالتفصيل ؛

نجيب طبق غويط يكون صينى او زجاج ونضع فيه المشاط ثم نضع الزيوت المذكوره اعلاه ونقلب جيدا الى ان يتشرب المشاط لكل الزيوت

نحط علبه الزبادى ونستمر فى التقليب لحد ما تبقى عجينه تقيله اوى

نبتدى نحط مغلى البصل والتوم بعد ما صفناه يعنى الميه اللى هايكون لونها اصفر غامق ونقلب جيدا الى ان تتكون لدينا عجينه شبه سائله وسط يعنى

نسيبها حوالى ربع ساعه تتخمر

ونسمى بسم الله ونبتدى نحط على الشعر خصله خصله الى ان نتأكد من ان كل حته فى الشعر متغطيه كويس بالعجينه ونغطى الشعر بكيس نايلون ونلفها بايشارب

ونتركها لمده 6 ساعات او من بليل للصبح

ونغسلها بالشامبو وبعديه البلسم ( هاتتعبك شويه فى الغسيل لان المشاط حبيباته دقيقه)

بعدها نشفى شعرك عادى وادهنيه ولفيه

ولما تفكيه هاتتفاجئى بالنتيجه

ثالثا : وصف النتيجه بالتفصيل :

تقل اييييييييييه ونعومه ايييييييييييه وملمس ايييييييييييييييييييه وحرير اييييييييييييييييه مش هوا ده شعرك اللى انتى متعوده عليه بالضبط زى شعر بنات اعلانات الشامبومستغربة

لالالالالالالالا ده كمان وصف ضعيف للنتيجه

اللمممممممممعه الرهيبه والغريبه اللى متخطرش على البال خاااااااالص

الشعره نفسها تحسى انها شعره بجد شعره حقيقيه شعره عمرها ما اتعرضت لاى فرد او معامله سيئه او تقصف او سيشوار او مكوا

النتيجه اللى هاتظهر معاكى من اول مره هاتشجعك ان تعمليها تانى اسبوع وتالت اسبوع بس حاسبوا هيا مره واحده فى الاسبوع لمده شهر وكمان ممكن متحتاجيش انك تكملى الشهر وهاتكتفى بالجمال اللى انتى شيفاه فى شعرك

فعلا فعلا تستحق لقب (اقوى خلطه شعر فى تاريخ البشريه)

الخلطه يا بنات متعوب عليها وجت بعد لف كبير على كل الوصفات والخلطات وهيا من خالص اختراعاتى

اللى عايزين يرتاحوا من هم الشعر المبهدل والمقصف والضعيف

موضوع مقدم من منتديات ديزاد
منتديات ديزاد باتنة

https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©