حل جميع مشاكل شعرك فى اسبوعين و10جنيةالنهاردة, جايبلكم هدية ودى صدقونى من اسرارى
الشرح طريقة طريقة دى هترجع جمال شعرك فى اسبوعين ودا تحميل برنامج متكامل للشعر
ودا ينفع لجميع انواع الشعر
فى البداية من شهر 2 اللى فات شعرى وصل لمرحلة يرثى لها خلاص كنت هأخد فيه عزاء أو احلقه
لحد ما كنت مرة بقلب فى النت على فوايد الاعشاب وعملت خلطة رائعة رهيببببببببببببة بجد ومفيش اسهل وارخص منها
والله العظيم شعرى على اخر شهر 3 مكنش بيقع منه شعراية والحتت اللى كانت اقرعت اخخخخخخخخ نبتت تانى
وبقى ناعم وبيلمع والشعرة نفسها كلبظت وبقت قوية جدا جدا
بس من الاول عاوزين نتفق على شوية حاجات ضرورية
1- انسى المشط البلستك وروحى جرى هاتى مشط خشب ممكن من محلات 2.5
2- وهاتى كمان صابونة نشركة ابلسى شاهين من العطار ب1.25 ودى بقى لغسيل الشعر قبل الشامبو
3- استعملى نوع شامبو مناسب ليكى انا بحب ( برت بلس او لوريس )
بعد كدا هنعمل وصفتين مهمين اوى
ا- الاولى : (هاتى من العطار بجنية زعتر +بجنية روزمارى+ بجنية مراميةأو بابونج ) مرامية لو عاوزة تسودى شعرك بالزيادة وبابونج لو عاوزة تفتحيه وااتنين مهمين وفيهم فايدة كبيرة للشعر
وحطيهم على بعض فى علبة عندك ولما تيجى تغسلى شعرك املى معلقة طعام من الاعشاب واغلى لتر مية وصبيها على الاعشاب وسيبها ساعة وصفيها وبكدا تكون جهزة للستخدام
2- الثانية هاتى حمام كريم مناسب وخدى منه معلقة فى علبة كريم قديمة ودفى معلقة شاى زيت خروع ومعلقة زيت املا الذهبى وقلبيهم كويس خلاص
الخطوة التالية غسيل الشعر
الخطوات
سرحى شعرك بالمشط الخشب قبل الغسيل
2- اغسلى شعرك بالصابونة النشركة ابلسى الشاهين
3- اغسلى شعرك بالشامبو واشطفيه كويس
4- دلوقتى جيه دور الاعشاب اشطفى شعرك بيها ودلكيه كويس
5- وبعد كدا حطى خلطة رائعة حمام الكريم وحطى البونية على شعرك عقبال ما تكملى حملمك
6- اشطفى شعرك كويس بالمية بس
7- وبعد ما تطلعى سرحيه بنقطة زيت املا الذهبى وكرريها مرتين فى الاسبوع لو شعرك بايظ اوى ومرة لو نص نص
النتيجة فى خلال اسبوعين
شعر قوى - ناعم- يقف التساقط - يعالج التقصف نهاائى - يطول بشكل ملحوظ - شعر لامع
ياريت تجربوها بس والله يابنات انا اختى كانت مش مقتنعة لحد ما شافت شعرى بيتحسن وجربتها هى كمان وفى اسبوعين انتظام شعرها رجع احسن من الاول
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
