مساء الخير عليكم يارب تكونوا بخير انهارده هنشوف الجزء التاني من قصتنا يارب تعجبكم
الفصل التاني
في صباح اليوم التالي رن جرس الباب
سمير : اهلا وهو يقولها من تحت الضرس
الاب : مين يا سمير ؟
سمير : ده الاستاذ سليم يا بابا
سليم : مش هتقولي اتفضل ولا ايه يا سمير
الاب : تقدم الي الباب وقال له اتفضل يا سليم يا ابني
سليم : متشكر يا عمي
سمير : طب انا خارج يا بابا بقى
الاب : ماشي يا ابني مع السلامه
اتفضل يا سليم في اوضة الجلوس
سليم : مبروك يا عمي على نجاح منال
الاب : الله يبارك فيك يابني
سليم : على ما اظن كده يا عمي خلاص مفيش اي داعي اننا نأجل موضوعي
الاب : طب مش نستنا الاول لما تاخد نفسها وبعدين نشوف رأيها ايه
سليم : يعني هو رأيها ممكن يغير حاجه يا عمي.
الاب يسكت ويسرح في موقف منال من ارتباطها بسليم
خصوصا انه متزوج وعنده ابن وغير كده هو متأكد ان مش هو الي يكون مناسب لبنته...ويطرح لنفسه سؤال. بس وصولات الامانه يا ترى هعمل فيها ايه؟
ويقاطع تفكيره سليم ويقول له
ها يا عمي قلت ايه ؟
امتى هتكلم منال في الموضوع ؟
يسكت الاب ويقول له: سيب كل حاجه بوقتها
سليم : ماشي بس ياريت يكون بسرعه عشان في حاجات تانيه ملهاش وقت ولما يخلص وقتها بنتصرف فيها
ينظر الاب اليه وهو فاهم ما يلمح اليه سليم
سليم : ماشي يا عمي انا هستأذن ومنتظر ردك قريب
الاب : ان شاء الله... مع السلامه
خرج سمير وهو عصبي ولمحه مراد وهو خارج
وسأله : مالك يا استاذ سمير
سمير : مفيش يا مراد
مراد : اكيد الاستاذ سليم هو الي ضايقك هو كده كل مره يجي فيها يعصبك كده .. بالمناسبه صحيح الف مبروك لنجاح الاستاذه منال
سمير : الله يبارك فيك
مراد : هو الاستاذ سليم عصبك في ايه
سمير: بعصبيه ايه يا مراد انت راديو واتفتح ياريت تهتم بشغلك وسيبك من كل الحوارات دي ذ9
مراد : حاضر يا استاذ سمير
سمير يخرج من جيبه الموبايل ويتصل
سمير : الو ايوه يا حبيبتي انتي فين
ليلى : هكون فين يعني في البيت
سمير : ممكن اشوفك دلوقتي
ليلي: خير في حاجه حصلت
سمير: لما تيجي هبقى احكيلك
ليلي : حاضر هلبس واجيلك
استعدت ليلى للخروج
ليلى : ماما انا خارجه
الام : على فين كده
ليلى : سمير اتصل بيا وعايز يقشركة ابلني
الام : ماشي بس متنسيش تكلميه على موضوع الشقه
ليلي : حاضر انا اصلا كنت هفتح معاه الموضوع ده عشان كده طول خالص هخليه يشوف شغل تاني مع شغله في مكتب المحاسبه.. يلا انا ماشيه بقى
الام : ماشي بس متتأخريش
ليلي : حاضر ..سلام
ليلي انسانه تحب الترفيه والمظاهر ووافقت على سمير لانه انسان وسيم ولبق ولا تدري اذا كانت تحبه ام لا عكس سمير تمام فهو ارتبط بيها عشان بيحبها فهو انسان طيب جدا ويحب عائلته جدا واقرب صديقه ليه اخته منال
الاب في غرفة الجلوس جالس يفكر في الامر وشايل الهم
جلست بجواره منال وقالت له:بابا في حاجه ؟
الاب : لم يرد ولم يكن يشعر بوجودها بجانبه
منال : بابااااااااااا
الاب : ايوه يا منال في ايه ؟
منال : لا انت مش هنا خالص . خير في حاجه انت كويس يا بابا ؟
الاب : اه يا بنتي كويس اطمني
منال: طب يا بابا انا هستأذنك أخرج عشان اشوف سوسن صحبتي عايزين نحتفل بالتخرج
الاب : ماشي يا بنتي اخرجي بس متتأخريش
منال : حاضر يا بابا ان شاء الله مش هتأخر
سمير : اهلا يا حبيبتي اخبارك ايه
ليلي : تمام الحمدلله .. ايه مالك حصل ايه
سمير : هو في غيره موضوع بيضايقني
ليلي : ايه موضوع ايه ده
سمير : سي زفت سليم
ليلي : أوف انت كده علطول شايل هم اختك ومش بتفكر في موضوعنا ولا حتى بتدور على شقه نتجوز فيها ولا بتشوف شغل تاني اضافي على شغلك عشان نقدر نجهز الشقه بسرعه
سمير: خلاص يا ليلي متضايقنيش بكلامك اكتر
منال : ازيك يا مراد اخبارك ايه
مراد : استاذه منال ...ازيك انتي اخبارك ايه يارب تكوني بخير
منال : الحمدلله يا مراد متشكره خالص
مراد : مبروك على النجاح يا استاذه منال
منال : الله يبارك فيك يا مراد ربنا يخليك يارب وبلاش استاذه دي انت ناسي ان احنا متربين مع بعض ووالدك بيشتغل من زمان في العماره دي يعني احنا بنعتبركم من افراد العيله
مراد : ربنا يخليكي يا ...
منال : يا ايه ههههههه
مراد : هههههه يا انسه منال
منال : ماشي يا مراد انا همشي بقى عشان متاخرش على سوسن صحبتي .. سلام
مراد : سلام .. وربنا معاكي
سوسن : ها هنروح فين بقى يا منال
منال : المكان الي يعجبك يا نص متر انتي
سوسن : ماشي يا متر مهو انتي فعلا زايده عليا كام سنتي يعني ماقدرش اتكلم هههههه
منال : طب ايه رايك نروح المطعم الي متعودين نروح فيه
ليلي : ماشي يا ستي
الام مشغوله في المطبخ وهو لازال جالس مكانه ويفكر
الام : اجبلك حاجه تشربها يا حج
الاب : لا انا هقوم اريح شويه
الام : ماشي وانا شويه وهبقى اصحيك
منال : اهو يا ستي وصلنا يلا بقى اطلبيلنا حاجه نشربها
سوسن : تأخذ الكرسي وتحاول الجلوس وفجأه ظهرت عليها علامة اندهاش وقالت ايه ده!!! بصي يا منال وراكي كده
انتظرونا في الحلقه القادمه ان شاء الله
بقلم / اماني
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
