لتحميل
رواية رائعة و مشوقة عهدي مع
الايام كاملة للجوال 2014 –
لتحميل رواية رائعة و مشوقة عهدي مع
الايام كاملة 2014 ـ
رواية رائعة و مشوقة عهدي مع
الايام كاملة لللتحميل بصيغة txt
الكاتبة
@أحلاهم وأتحداهم@
البارت الاول
بيت بو فواز
بعرفكم على الشخصيات (الاب احمد بو فواز عمره 57 سنه رجل ملتزم ذو شخصيه قويه وعصبي بمعنى الكلمه واذا عصب مايشوف جدامه ولا يرضى بالغلط حتى لو كان صغير عايش حياته بين المسيد والاعمال الخيريه ومع الاسف ناسي بيت .....الام حصه55 سنه ماخذه من اطباع ريلها شوي عصبيه بس مو مثل احمد اخف ...وتعامل بناتها بطريقه ناشفه وايد واغلب وقتها بره البيت.....فواز مهندس بشركة النفط 26 سنه متزوج بعد قصت حب دامت 7 سنوات العنود وعمرها 23 سنه والحين حامل.....
محمد23 سنه طيب وحبوب واهم شي بدنيا عنده رضى امه وابو طالب بكلية الطب ....
بطلتنا ليال 18 سنه مرحه وتحب الضحك وايد وطيبه لي ابعد الحدود طالبه بتكنلوجيا بس آخر همها الدراسه و اهم شي بنسبه لها تتزوج وتكون اسره سعيده*بيبي فيس ...بيضه طويله ضعيفه وجسمها نفس عارضات الأزياء 2014 شعرها كستنائي لي نهاية الظهر عيونها حلوه متوسطة الحجم ورموشها كثاف وطوال خشمهم صغير وشفايفها صغار وايد ....آلاء 16 سنه طالبه بثانويه عكس اختها بكل شي اتحب الدراسه وطموحها تصير مهندسه كبيره....حلوه مثل اختها بس ملامها اشوي تفرق آلاء خشمها شوي اطول من خشم ليال وشفايفها اكبير بس الي يشوفهم يقول ليال اصغر من آلاء )
حصه تتكلم بتليفون
حصه:والله هذي الساعه المبارك يا أم يعقوب
ام يعقوب:ساعتج ابرك يا ام فواز ..بس متى تعطونه خبر ولدنا مستعيل وايد (ام يعقوب ارفيجة حصه من عمر )
حصه:انشالله عطيني بس جم يوم اشاور البنت وابوها وردلكم خبر
ام يعقوب:على خير انشالله..ماأطول عليج ياأم فواز يالله مع السلامه
حصه:الله يسلمج
بدخلة فواز البيت
فواز:السلام عليكم
حصه:هلا يمه وعليكم السلام
فواز :شلونج يمه انشالله بخير ..وباس راسها
حصه:دام اشوفكم بخير انا بخير
فواز : الحمدالله...يمه وين العنود ماشوفها
حصه:اكيد فوق وين فيها شده على الصعده ونزله يالله اتشيل الي بطنها
فواز:الله يسهل عليها انشالله وتولد وفتك
حصه:الحين منو الي يفتك انت ولا هل الفقيره الي متحمله كل هل ثقل ..المهم اليوم دقت علي ارفيجتي ام يعقوب تبي تخطب ليال حق ولدها
فواز:يمه من صجج هذي وين وزواج وين بعدها ياهل
حصه:وين ياهل انا بعمرها كنت حامل فيك
فواز :يمه زمنكم غير عن زمنه وبعدين خت خلص دراستها بالاول ولاحقه على الزواج
حصه:عادي تتجوز وتكمل مافيها شي الزواج ستر للبنت
فواز:والله كيفكم انا اقولكم البنت بعدها صغيره ولاحقه على الزواج...الا كلمتي ابوي
حصه:لا بعد اليوم بكلمه وكلم ليال ...لازم اعطيهم خبر الولد بسافر ويبي ياخذها معاه الانه يدرس مفصل بره
فواز:اممممم اهوا جم عمره
حصه:22
فواز:موالمفروض يكون متخرج
حصه:اي كان موقف قيده سنه كامل
فواز:امممم....على خير انشالله
شوي ودخل بو فواز
احمد:السلام عليكم
حصه وفواز:وعليكم السلام
فواز:شلونك يبه ...وقام حب راسه
احمد:بخير الحمدالله....الا وين العيال
حصه:محمد راح ايب آلاء من المدرس مفصله وليال بالكليه
احمد:اممممم
حصه:بوفواز اليوم ام يعقوب داقه اتخطب ليال حق ولدها يعقوب
احمد:والله ونعم فيهم
فواز :يبه بس ليال بعدها ياهل وينها اوين الزواج
احمد:الزواج ستر للبنت وخصوصن بزمنه
فواز:هذي وين ومسؤلية الريل وين
احمد:كل الحريم جذي في بدايت زواجهم وبعدين مع
الايام كل شي يتعلم طريقةونه....حصه كلمي البنت واذا ماعندها مانع قوليلي عشان اسأل عنه
حصه:انشالله
العصر بغرفة ليال
آلاء :واي متى اتخرج وفتك
ليال:ومنو قال بتفتكين الدراسه وراج وراج
آلاء:الثانويه غير والجامعه غير
ليال:والله اجمل ايام ايام الثانويه ولا الكليه لوعه
آلاء:لوعه عندج
ليال:وانا صاجه الدكاتره ملاقه شايفين روحهم على شنو مادري
بدخلة حصه
حصه:شقاعدين اتسون
ليال:نسولف
حصه:بدال السوالف البطاليه جشركة ابلو دروسكم احسن
آلاء:يمه توني ماخذه بريك والله تعبت
حصه:انتي ماينخاف عليج ...الخوف من اختج الي ماتجشركة ابل دراستها
ليال:يمه اهم شي خلصت الثانويه وماعندي مانع اتنقع بالكليه
حصه:انا قايله انتي موفالحه بشي...المهم ام يعقوب داقه بيون يشوفونج شقلتي
ليال:حياهم الله بس خل ايي معاها مالي خلق يوم امه ويوم اهوه خل ايون بيوم واحد...يبيه خل ضحك عليه شوي
حصه:ليش ارقوز تضحكين عليه...انا مادري منو المينون الي بيرضى فيج
ليال:يمه حرام عليج هذا وانا بنتج اتقولين عني جذي
حصه:شلون ماتبيني اقول جذي وانتي ومخج مخ ياهل واحد
ليال:..........
حصه:خلصيني شقول حق المره
ليال:حياهم الله...يمه شنو اسمه وجم عمره
حصه:بنات آخر زمن
ليال:يمه هذا زواج ولازم اعرف
حصه:اسمه يعقوب وعمره 22
ليال:وين يشتغل
حصه:يدرس مفصل بأمريكا
ليال:يااااي يعني بروح عند ...(برور بنت خالتها وتؤم روحها متزوجه من 6 اشهر وعمرها 20 سنه )
آلاء:من صجج ودراستج مافكرتي فيها
ليال:لاحقه على الدراسه اهم شي اتزوج واستقر
آلاء:ليش انتي عانس وانا مادري توج 18 سنه على شنو مستعيله مادري
حصه:الزواج ستر
آلاء:يمه ماقلنا شي بس مومعناته ماتكمل دراستها عشان ريل هذا مستقبلها والشهاده اهم من الريل...مردت بتتزوجين ليش مستعيله
حصه: النصيب الزين موكل يوم يطق بابنه
ليال:يمه ماعليج منها ...هذي ام قليب وتموت على الكتب...وبعدين انا بوقف قيدي بس
آلاء:احسن منج ...مومثلج ميته على الريل
لللتحميل
هنااا
