صدفه تجمع اثنين ((ارجو التثبيت))
قصه جميله لا تفوتكم صدفة تجمع بين اثنين
الجزء الأول:
القصه خياليه وابطالها خياليين
خالد شاب وسيم في روعة الجمال والاخلاق عمره 23 سنة يتيم الام والاب
مها تكون اخت خالد عمرها 20 سنة طيبه وجمال ومع هذا الاثنين من اغنى العائلات
خالد وهو نازل من الدرج : مها شرايك نروح السوق ؟
مها : والله افكارك حلوة خلنا نروح
خالد : جهزي نفسك الساعه ثمان ونص بنروح اوكي
مها وهي توقف : خلاص ثمان ونص بتشوفني جاهزة
في السيارة كان صوت عبد الله الرويشد مسيطر على الجو
يقطع صوته صوت خالد
خالد : مها تبين بس نتسوق؟
مها: ايه ليش في شي ؟
خالد : لاء مافي شي بس كنت ابي اعزمج على العشا والحين تقولين بس نتسوق ماله داعي اعزمج
مها:ياثقالة دمك ابي اتعشى
خالد : خلاص انتي قلتي بس سوق
مها : اوووووووه خالد يعني انت بخيل ماتعزمني
خالد وبكل ثقه : اافا اجمل عشا لجل عيون مها
وفي السوق كان خالد ومها يتكلمون يقطع كلامهم نغمة جوال خالد
خالد : اوووووووووووه هذا احمد مغبر من زمان مادق علي
مها : زين انا بروح ذاك المحل وانت اخذ راحتك
خالد ياشر لها انه موافق : هكح كح مغبرر
احمد وهو يقلد خالد : كح كح مغبر هههه كيف حالك بو وليد ؟
خالد : الحمد لله بخير وانت ؟
احمد : الحمد لله بخير
خالد : الا تعال انت وينك صاير قاطع ومغبر من زمان مادقيت علي ماتقول عندي نسيب ادق عليه
(( احمد يكون ولد خاله الي مو خليص امه بس متعودين على بعض لاتهم متربين مع بعض واعمارهم مثل بعض ))
احمد : الدنيا شاغلتنا
خالد وهو يتكلم مع احمد يصطدم في بنت
خالد: اسف ماكان قصدي ماكنت منتبه
ريم : لاء عادي حصل خير انا ماكنت منتبهه
الاثنين عدلوا وقفتهم والتقت عيونهم
خالد : اسف مرة ثانيه
ريم : عادي انا ماتاذيت
خالد : الحمد لله
كل واحد سار بطريقه والاثنين يكلمون نفسهم
خالد : ياويلك ياخالد وش حلاة عيونها احس قلبي صار معها ملاك واجمل من كل ملاك
ريم : الله يجنن روعة صوته حلو اجمل من صوت الاغاني ياليت انا الي كان يكلمني بالجوال
خالد ما انتبه لجواله معذور كان مشغول بريم شاف مها جايه له
مها : خالد شنو صاير فيك ؟
خالد للحين مو معها : هااا شنو قلتي ؟
مها : احمد بعده على يكلمك او سكر ؟
خالد : اوووووه ذكرتيني به
مها : زين جيت
خالد : الووو
احمد : وينك انت ؟
خالد : لالا ماشي
احمد : وين انت الحين
خالد : انا في المول
احمد : قول والله
خالد : مو مصدقني تعال شوفني
احمد انا في المول في الطابق الثاني وين اللاقيك ؟
خالد : بتشوفني في المطعم
احمد : اوكي طيران واصير عندك
خالد : مها احمد بجي معنا زين
مها : زين تصدق من زمان ماشفته
خالد : الله يستر كان مايتغير شكله
مها : ههههه تخيل بيطلع له قرون ههههه
خالد : ان طلع له قرون بكون من الخيار الي ياكله
دخل الاثنين المطعم ويجي احمد لهم
احمد : مساء الخير
خالد : مساء النور والفل والياسمين
مها : مساء النور
احمد : ها خلود شنو صاير فتحت مشتل او عندك ورد زايد
خالد : ثقيل دم كيفك المفروض اقولك اقلب وجهك
مها : ماعلقت بس تضحك على خبال الاثنين
احمد : كيف الحال مها؟
مها : الحمد لله انا بخير انت شلونك ؟
احمد : لوني ابيض
خالد : ها احمدو نسيتني والله ماتسال عني
احمد : مو من شوي سالتك قلت الحمد لله الواحد لازم يصير مسجل ويعيد السؤال ؟
الكل كان مستانس على كل الي صار خاصة خالد لانه شاف ريم بالمطعم معهم
اهو ماشالها من باله وظل سهران يفكر بالملاك الي شافه
بالطرف الثاني من الديرة كانت ريم تفكر بالشاب الي صدمت به والي عجبها
يتبع .....
ياترى شنو راح يصير بخالد وريم وهل الصدفه بتجمع قلبين ؟؟
انتظروني في الجزء الثاني وبنلقى اجابات
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
