::+)(العيوزvsإبليس....(شوفو منو يغلب الثاني)(+::
كان في مكان في قديم الزمان ………كان فيه أمراة عجوز قاعدة بروحها
وفجأة طلع لها شركة ابليس …:sbad:……( لقافه ….يبي يتحرش ) العجوز خافت وسمت بالرحمن …قالها
شركة ابليس :أنتي يا عجوز هل تعتبرين نفسك افعى ؟؟؟؟
العجوز: نعم أنا افعى ……….. والنساء عموما كيدهن عظيم
أبليس: أنا أتحداك……..وبنشوف مين كيده أعظم …..المرأة ولا أبليس
العجوز :خلاص أنا بسوي مشكله .... والمشكلة هذي اذا حليتها تكون قد فزت بالتحدي ...واذا ما حليتها انا اللي افوز بالتحدي .... :002:
أبليس:Ok :0012:
<ـــــــ مثقف يعرف انجليزي بعد
راحت العجوز حق واحد من هالداجين اللي ما عندهم شغل ويا كثرهم
وقالت أنا بشغلك عندي فترة معينه بس……. اذا تبي فلوس لا تتدخل ولا تتكلم .
(وافق الشاب لأنه طفش من الدجة ويبي فلوس ).
راحت العجوز ومعاها الشاب لمحل قماش وقالت له أنتظرني عند باب المحل …دخلت
المحل وخذت قماش غالي وراحت تكاسر تاجر القماش
العجوز: رخص يا بن الحلال …
التاجر :اذا أنتي ما عندك فلوس خذي شيء أرخص
العجوز : ما أقدر ….لازم ولا يصير شيء ما صار
التاجر :ليش ؟؟ …..لهالدرجه …..شسالفه؟؟
العجوز:شفت الشاب اللي واقف عند باب المحل ..هذا ولدي ..يحب له وحده متزوجه
وهي تحبه ولما تتطلق من زوجها …ولدي بيتزوجها
وهو قالي أن خربتي علي الزواج بأطردك من البيت وأمرني أني أشتري قماش غالي عشان يعطيها حبيبته
والا راح يطردني من البيت مع أن البيت بالأساس بيتي ولكني غلطت وكتبته بأسمه
(العجوز تبكي)
التاجر: خلاص هونيها وتهون والله كسرتي خاطري ….خلاص أنا بأعطيك القماش ببلاش.وعسى الله يعطيني على قد نيتي....
العجوز طلعت مستانسه وقالت حق الشاب روح البيت
بعدها راحت العجوز لبيت زوجة تاجر القماش وطقت الباب ، وطلعت الزوجة
العجوز:آه بابنيتي أنا تعبت بالطريق و ما أقدر أكمل ممكن أقعدعندك أرتاح خمس دقايق
رحبت الزوجة ودخلتها وأكرمتها وجابت لها شاهي
العجوز:مشكوووووورة ما تقصرين ان شاءالله أردها لك
(تعمدت تنسى القماش )
وطلعت
الزوجة: حرام نست قطعة القماش …أكيد بترجع بعد شوي وتاخذها
بروح أحطها بالغرفة..
تاجر القماش رد لبيته وتغدى ذاك الغدا السنع ونام شوي
قام العصر وشوي يناظر ... الا يشوف كيس نفس الاكياس حقته واستغرب
مفاجأة ........ قطعة القماش اللي اعطاها للعجوز
وعرف أن المرأة اللي يبيها ولد العجوز هي زوجته يعني تخونه
قام عليها وطقها وطردها بالشارع بالملابس اللي عليها
العجوز كانت تنتظر هاللحظه في أخر الشارع فراحت لها تركض
العجوز: وش فيك يا بنيتي ليش تبكين؟؟؟
الزوجه : زوجي طردني …وما عطاني فرصه أتكلم .
العجوز: خلاص أنا بأوديك بيتي وأنا بروح أحل المشكله
راحت العجوز لبيتها ودخلت الزوجه في غرفة بينما الشاب كان في غرفه ثانيه
وأمرته أنه ما يطلع منها
راحت العجوز للهيئة تبكي وتقول : كنت قاعدة في بيتي وفجأة دخل رجل ومعه مرأة
وقعدوا ببيتي حاولت أطلعهم ما قدرت .....أشكلهم حرامية ...
<ـــــــــــ مسوية انها غشيمة
الهيئة : ايه طيب حرامية اجل .... انا اوريهم .... وين البيت بسررررعه .....
وراحت والله الهيئة وتمسكهم ... وامحق من تصفيق كلهم الاثنين .... وقطوهم بالسجن ...
العجوز: ها ها وش رايك يا أبليس ؟؟ دورك اللحين حل المشكله
أبليس : لا لا ما أقدر أحلها السالفه تشربكت مرررررررة
العجوز: أنا راح أحلها وكأن شيء لم يكن . وراح أفوز بالتحدي
راحت العجوز تزور الزوجه بالسجن وقالت لها :أنتي ساعدتيني مرة
وأنا اللحين بأساعدك .... يله ألبسي عبايتي وأطلعي من السجن كأنك أنا
وأنا بأقعد مكانك
الزوجة:مشكووورة ….لكن أنتي ؟؟؟
العجوز: مالك شغل مثل ما طلعتك بطلع نفسي.
تمت عملية الهروب بنجاح
القاضي ... جا وقت الحكم ... وين المسجونين عشان يحكم عليهم
حضرت العجوز والشاب وقال لهم القاضي : ليش ماسكينكم الهيئة ... وش مسوين؟؟
ردت العجوز:احنا ما سوينا شيء كنا قاعدين ببيتنا أنا وولدي والا الهيئة طامرة علينا وماخذتنا السجن
عصب القاضي وهزأ الهيئة وما عطاهم فرصه يتكلمون ويقول :غلطانين وتبون تتكلمون
شين و قوات عين
طلعت العجوز من عندهم مستانسه وعطت الشاب فلوس وأنهت خدمته
عندها.
راحت العجوز لتاجر القماش وقالت له أنها تعبت بالطريق وأن زوجته أصيله
وأكرمتها وهي من كثر التعب نست القماش عندها وأن زوجته بريئه
وقالت خذ قماشتك لأن ولدي سافر هو و زوجته الحديثة
رجع التاجر زوجته وتأسف منها و راضاها بعد
العجوز : وش رايك يا أبليس أنا فككت السالفه سهله
أبليس :أنتي ربحتي ….يما………يما أن كيدهن عظيم
(إنحاش وهو خايف)
:0006[1]:
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
