كان نفسى اعيش طفوله من صغر سنى باشتغل بتنطط من شغله لشغله لحد سن الفحوله
ما انا اصلى عيلتى اتشتت بدرى ومش بيدىعيشت فيلم دراما طويل خدت فيه دور البطوله
بقيت راجل البيت عمرى 12 سنه
يارب قدرنى اورى امى من انا
شغلى فى طفولتى نشفلى عضمى تمام
تشهد نوادى الفيديو وسوق القلعه و الحمام
سوق الجمعه اللى اتعلم طريقةت منه ياما
دروس فاتتنى وهتفيدنى لحد يوم القيامه
الدنيا صراع فى صراع كلو بياكل فى كلو
ومعنى الطيبه ضاع اشكى لمين واقوللوا
الدنيا مالها قلبت غابه الارنب فيها ملهوش مكان و الغلبه بس للديابه
لو سلمت دماغك للفكره هتعيش كابه
لقولك على يخلى الفكره تمر مرور سحابه
اسمع.. دوام الحال من المحال صدقنى بكره الشمس تطلع مهما ليلك طال
مهما مركبك عطلت وقفت ماتكتئبش سيبها على الله وصدقنى بكره تمشى
طرقت
بابك يالله
طرقت
بابك يا الله
زرقوا اتقطع او رزقها ودعت ناس من كل قلبك كنت بتحبها
فى دور مسير من بيدك ولا بيدها كل اللى فى ايدك تسعى وتدعى ربك فكها
هو الوحيد اللى فى ايديه مفتاحها وحلها مش ممكن ابدا هيضيع جهدك او جهدها
ولو حسيتها قفلت و همومك كترت عليك
ماتقولش ربي غضبان يمكن من حبه فيك
قفلها جامد عاوزك تفتكره اصلك نسيت
لو مش بيحبك كان سابك ماكان خلاك صحيت
عاوزك ترجعله أصلك وحشته و تقول يارب
ربك عظيم مجيب كريم مابيرفضش الطلب
بس أنت روحله خطوه هايجيلك خطوتين
خلق مفهوم الرحمه و أسمه رحمن رحيم
كله بيعدي العمري بيجري أسرع من النسيم
سلمله أمرك و اتوكل و أرضي هاتدوق نعيم
طرقت
بابك يا الله
