لهيب جروحي تحرقني وانا تحت المطر واقف..
واناظر دمعة المجروح واراقبها وانا خائف..
شموخي ينهزم في هبوب الريح ,,, وعزة هواء نفسي تطيح..
ليش الزمن يعاند هواي .. ماهو ذنبي وماهو خطاي,,
كل الحروف تكسرت فيني ... وكل الاماني غربتها سنيني..
هذي نهاية قلب اشفق بالغرام .. وهذي بداية جرح ما يقبل ملام..
تجاره بالمشاعر تخون الصدق والاحساس... يبيع ويشتري هم ويقضي على الانفاس..
للألم وقفه معي من بعد الفراق.. وللأسى بسمه في داخل الخفاق..
انا تايه بهالعالم حزين ونفسي مدموره .. اسلي نفسي بالاوهام واقول يا نفسي مجبوره...
بعيد الخطوه ما يمدي اقربها .. قريب الحسره وما يمدي ابعدها ..
اصيح بعالي اصواتي وارددها ... طال الغياب والخاطر يرددها..
نسيت الدنيا بأكملها لانك ما صرت منها .. وافكر في بعيد الوقت واناظر في معاندها..
تعاندني وتبكيني .. وتفرحني وتسليني .. ولكن البكى اقرب لعيني من تبسمها ..
شجوني في هجير الوقت حزن قلبي يتوجها .. ونجومي في سماء هالكون صعب نلقى اماكنها..
قمر روحي شكى بعدك .. ووله نفسي بكى عندك .. وشمسي ما تونسها ..
لانك شمسي وظلي .. ولأنك نجمي وخلي ..
مطر شوقي صعب يوقف .. وحبي لك صعب يوصف..
غيومي تحتري رياحك .. ودموعي تحتري نياحك..
غريبه قصتي وياك .. وعيني ما تبي فرقاك
يا أجمل من سكن بالارض .. واخذت الزين طول وعرض ..
اجعل ايامي هنا .. ودمر دروب العنا ..
جروحي نازفه من غيابك .. ودنيا غرامي تشكتي من عذابك.. يا ليتك ترجع صوابك ..
وتحن للي يبيك .. ويبيع الدنيا ويشتريك .. وربي مالك بقلبي شريك ..
تحياتي :.
عاقله ولي قلب مجنون
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
