جتني تشيل جروحها ..
تسأل سؤال بروحها ..
ليه الغدر ؟؟
ناظرتها وعيونها ..تملاها احزان البشر ..
ضميتها لصدري وقلت :
نامي هنا وخلي احزانك
انا أشيلها
ناظرتني وقالت :
"صديقتي
ماعمري اخطيت / لغلاه
ومشيت نص عمري معاه
وفجأه بكل برود
جايني وشايل عذر غدره معاه ..
تصور 2014ي
حتى الحكي صابه جنون
اتلعثمت كل الحروف ..
واحتواني الحزن
واحساس خوف.
ياكيف هالدنيا بدونه ..
وشلون اتنسى وكيف ؟
ناظرتها وعيوني تملاها الدموع
((هو كذا اصعب موقف بالحياه))
تظلم الدنيا بعينك .. وتختفي الوان السنين
شوفي هنا .. بوسط صدري
قلبي ترى مثلك حزين
بس اضحكي
وانسي اوجاعك وخلي فرحتك بشفاتك تبين ..
ثم ناظرتني ببتسامة حزن
وبعيونها حسرات وانين
وين الوفاء؟
ليه .. ماوفاء؟
وانا اللي كنت له بسنين عمتها الخيانه ** شمعة وفاء**
وهو اللي انهاني بيديه ..
كنت له اصدق وطن
لاضاق من همه يجيني
واحط فرحاتي بيديه ...
ناظرتها وقلت ::
أبسألك ..!
مامر وقت وقلتلك
لاتعشقين ..
ولاتحلمين
الحب اكبر كثير من امالنا
عالم يضيعنا كثير ..
نبدا بدايتنا صح ولكن فالأخر نضيع
قد قلتلك لاتعشقين
خلي الهوى للي لهم قلب يتحملون ..
وكنتي تضحكين ..
قبلك انا عشته كذا.. نفس الألم /
نفس الحزن/
ونفس الأنين/
وخليتها جروحي ..
تداويها السنين
واخفي همومي هنا
واضحك وفيني المواجع ملايين..
ضميتها .. واحزاني بصدري تقول
.. ((الهم حولي في عيوني ترى ينام
معاشرن روحي ودايم معاها ..
الدنيا هذي مابقى لي بها احلام
خانت بي الدنيا وسوت سواها))
صاحت جروحي بصمت ..
واسترجعت ذكرياتي الحزينه ..
ماصدقت قلبي نساااااه
والحين نفس الموقف تعيدينه..
واتنهدت .. طفله صغيره
من وجعها اتألمت
حسيتها بين الضلوع اهات
قلبها الموجوع
واغفت على حظني وهي
تردد ليه الغدر .. ؟؟
وانا اللي كنت له بسنين عمتها الخيانه شمعة وفاء ..
** بقلمي .. رجااااوي
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
