ابـــد لا تحــزني يمـــه إذا خـــانتني رجــليني
وإذا كلٍ شــكى همّه وانا همـي بقى فيني
وإذا خنجــر صداقتهن غرس حده وســـط قلبي
واذا عكازتي خافت من انها تسند ايديني
ولا تبكــين يا "يمــــه" اذا عمــــري غدى دفـتر
وكلٍ يمــــزع اوراقـــــه ولا ظــنه يكـــفيني
ابد لا يجزع احساسك لا شفتي البعض يجرحني
واذا ضاع الوفا فيهن وضاعت معهن سنيني
على ضيم الجفا ابقى تنازع روحي الحســـــرة
واحــس الظلـــم يا امـــي يقطع من شراييني
بسيطة كل الم جسمــي تحملته وانا اضحك لك
لكن الخوف يا يمـــه من احســاسٍ سكن فيني
يا حيـف الطـيب بالدنيا يضيع وينتهي عمــره
يمـــوت الطيب يا يمـــه وانا فـــقري يبكـيني
شيهم ان خانت الدنيا اذا ارجــع لك مثل اول
احط راسي على صدرك واعرفك ما تخونيني
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
