قصيدة رائعة ليه تغار ؟؟ للشاعر محمد العقيلي ( الناظم)!!
من إنت أصلا .. ليه عليا تغار
والوقت قالت قمت تحسب حسابه ؟؟
إنتة مجرد تسلية وقت أو مار
اليوم أو بكرة نودع هلا به
يمكن لنا قصة طويلة ومشوار
واغلب طويلات القصص للكتابه
يعني مثل قطز المظفر وجلنار
قصة طويلة والحقايق معابه
باقولها وافهم ترى سر واجهار
ما بينك وبيني صلة أو قرابه
الله من حكي (ن) طلع كنه اعيار
واصطاد قلب (ن) في الشرايين صابه
من علمك ضرب المخافيق بالنار
من علمك يا بنت فن الذرابه
البارحة زولي من الهم منهار
واعشار قلبي يعتريها عذابه
ما كنت أظن اني على الدرب مرار
ولا كنت أظن اني مجرد دعابه
كنت احسب ان لي في ذرى القلب مقدار
ون غبت ألفي في فؤادك صبابه
مثلي تري حبك تغلغل بالاغوار
واحتل فيني مفردات الرحابه
جيت لمسافاتك ونا كلي اغبار
ومحيط عشقك ما غسلني عبابه
جيتك وكلي عشق ودموعي انهار
اطرد ورى ضلك وقبل ترابه
ما جيت قبلك في دجى الليل نوار
ولا جبت طاري من تسمى لبابه
ما كنت اغيب الا ليا عندي اعذار
وظروف وقت (ن) مانعات الانابه
جيتك غيوم ملبدات (ن) بالامطار
أروي ضمى قلبك وكلي غرابه
وشلون سهلك ما انبتت فيه لزهار
أو كيف وبلي ما وصل لا شعابه
بعض القلوب ان جالها القطر مدرار
الموت فيها والحياه اتشابه
مثلك .. مثل قلبك ولا زلت محتار
كيف ان قلبي ضايع ( ن) في شبابه
ما خترت انا حبك ولاني بمختار
الحب نار (ن) والمحبين غابه
ون يحترق قلبي فذا حكم لقدار
واللي ظلم في الحب ماله استتابه
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
