(ودي تـــشوف الهـــم)
من روائع ,,,السامر
ودي تشوف الهم وش لون سـوى
في حال من حبّك على غير مصلوح
جرحتنـي جـرح جديـدٍ تـلـوّى
على خفوقٍ منك بالحيـل مجـروح
وسويت بـي شـيٍ مـا ينتسـوّى
وأقول يا سيـد المماليـح مسمـوح
ليتـك بزلاتـك عـلـي تــروّى
يوم ان حبي لك من الروح للـروح
إن كـان حبـل وصالنـا ماتقـوّى
الله يعين عيون (سامر) على النـوح
لا يا بعد مـن جابـوا آدم وحـوّا
خطاك مهما صار منسي ومدمـوح
ليتك دخلـت بداخـل القلب..جـوّا
حتى تشوف بعينك الجرح ..وتروح
تقبلو صادق محبتي وودي لكم
ابوفهد
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
