السلام عليكم و رحمة الله ؛
@
جاها النصيب وعلمونـي بالاخبـار
ولاعاد عنـدي غيـر ازف التهانـي
ياليتهـا تنسـى المحبـه وتخـتـار
زمـان غيـري لاتـدور زمـانـي
سمتني الطرقـي علشـان الاسفـار
اجي لها من شاطي الشـرق عانـي
في حبها ذقـت النكايـر والامـرار
واللي وطا مجنـون ليلـى وطانـي
كم مرة ٍ لعيونهـا دسـت الاخطـار
وارخصت عمري يوم ربي وقانـي
ماطعت من هو شار في خير الاشوار
اللـي عـن دروب المـوده نهانـي
الموووت قدامي علـى سكـة النـار
والنفس ماترضى طريـق الهوانـي
لا شـك تدبيـر الليالـي والاقـدار
راااااحت وانـا سلـم القبايـل حدانـي
عندي خبرها تتـرك الـدار لديـار
وانـا مكانـي ماتغـيـر مكـانـي
اما الزمان اللي تعشمـت بـه جـار
والا ان حظي عن هـواي احتدانـي
والله ماكنـت اتكـلـم بـالاسـرار
لولا القهر غطـا سمـاي وغشانـي
علي اصد ويكفـي النفـس ماصـار
يكفي علي من الظـروف امتحانـي
ادعي لها الله دايمـا ً سـر وجهـار
تلقى سعادتهـا مـع انسـان ثانـي
اليوم ابحـرق لاجلهـا كـل تذكـار
كل الرسايـل والصـور والاغانـي
واحرق بطاقة عرسها ضمن الاشعارو
ارضى بمـا قـدر عليّـه وجانـي
واقول.. ياقلب العنا خـل الافكـار
وانسى السنين اللي تعـدت عشانـي
محبببكم / فيصــــل http://1-ps.googleusercontent.com/h/...BBEcOqixOd.png
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
