الو.. ساكت كاني ماني احاكيه
الــوقت مــايعرف حبيبي ولا جـاهـ
...............والناس ماتدري عن الصدر وش فيه
أكـذب وأقـول اني معزم وبنسـاهـ ..
.................وأكذب على نفسي إذا قلت مابيه
والآآآآه فــيني خــاوت الآه والآآآهـ ..
........................لامن تعمّد عاذل القلب يطريه
وأتذكـره وأتذكــر يســاري بيمناهـ ..
....................وأنا مغمض عين قلبي على يديه
قلت أتصل؟ لا لا مــاتصل بترجـاهـ ..
................وأسرح الين أصحى بضحكة غناويه
من غير مااشعر كيف وشلون ابداهـ ..
.....................ألوو ؟؟ ساكت كن ماني احاكيه
ألـــووو ؟ مـابي غيرهــا وأتـفداهـ ..
................ورغم اني ماني مزعله قمت أراضيه
دوم أتسائل ليه يسكت وأنا معاهـ ..
...........................واثره يبيني أنتبه لجل أناديه
عشان يسمع قلب تشهق خلاياهـ ..
......................لاقلت (يافلان) وجاني الرد لبيه
وأتعمـد أتبعــثر اذا كنـت ويــاهـ ..
....................وماهو مقصر جعلني فدوه لكفيه
أدري ويـدري كـم أحبه وأهـــواهـ ..
......................وأشتاق له حتى وأنا بين ضلعيه
ويتعمد الحيرة أنادي ويرد هــاااهـ ..
....................وإن عزم بيذبح يجي يقول لي ليه
ساعات انا اتسائل انا ليه ؟ انا يآآهـ ..
.......................اقسم بربي ارتبك لاهمس هيه
لــبيه كــل مــازمّ لي شفــاهـ ..
.....................لـــبيه ماهي مثل مــانقول لبيه
تشلع عــروق الــقلب والله واللهـ .. .
........................الين النفس ماعاد ياناس يمديه
وتضج في صدري من الشوق ويلاهـ ..
.......................وأصرخ انا والقلب بالصوت نغليه
يـــالبى كــلي بضحكة ثنايـــاهـ ..
........................يومه تلفت شاف ماني بحواليه
يعرف طريقهـ وسط صدري وممشاهـ ..
.............................تدلع وتتبع عروقي خطاويه
الغيد بـ ع ـيوني غدن جملة أشباهـ ..
..........................والحسن والفتان أول أساميه
مو قلت أنا أكـذب لو قلت بنســاهـ ..
........................ واللي خلقني ماتركه أو أخليه
ْْ
ْْ
للشاعر/ اياد المريسي
|
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
