قالت احبك واعشق الشعر واهواك
واهوى الزمان اللي يسمى زمانـك
يالشاعر اللـي مالقينـا حلايـاك
ابدع لنا بالشعـر واطلـق عنانـك
قلت ارحبي واهلا ً هلابك وحيـاك
وتربعي في وسـط قلبـي مكانـك
قالت وش اللي تكنزه في خفايـاك
قلت العذر يابنـت ماهـو بشانـك
قالت علامك ياولد روق وش جاك؟
ويش اخلفك عني وغيّر حنانـك.؟!
قلت البلا واصل البلا من محيـاك
لاتكثر علومـك ويكثـر جنانـك
روحي وانا لي دنية ٍ غير دنيـاك
حتـى امتنانـك مانبيـه امتنانـك
وان كان قصدك دخلت النت وياك
وإنّي اطارد في هـواك وحنانـك
النـت والله مادخلـتـه لعيـنـاك
تخسيـن والله مادخلتـه عشانـك
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
