تتركني آسافر .. وانـا منـك زعـلان !!؟
جيتك وانـا رويـان .. وأقفيـت ضميـان
كنّـي شربـت مـن البحـر مـن شربتـك
هذا انـت دايـم تطـري الوصـل شفقـان
وهـذا انـت مـا واصلتنـي مـن عرفتـك
فان شفتني ولهان .. لا تقـول : ولهـان ؟؟
قـول انـي حبيتـك لكـن .. مـا وصلتـك
اسـمـع ولا امـيّـز ترانـيـم الألـحان
وتخيـل إنـي مـن سمعتـك .. عزفـتـك
ما كـان لـي نيـة علـى دمـع الأعيـان
ايليـن مـا ضـاقـت عـلـي وذرفـتـك
وما كنـت مؤمـن فـي (معانـاة الأجفـان)
وآمنـت فيهـا مـن بكيـت .. وسهرتـك
تتركني آسافر .. وانـا منـك زعـلان !!؟
وانا اللي يمكـن "أنتحـر" لـو جرحتـك !!
عمرك سمعت ان فيـه عـدوان .. خـلان
شفني خذيت (أقسى الطعـون) و (شكرتـك)
لا هنـت يالغالـي .. وقلبـك .. ولا هـان
لـو مـا ملكتـك يكفـي انـي عشقـتـك
يمكـن خذلتـك لكـن الـحـب سلـطـان
سترتـنـي وانــا بشـوقـي فضحـتـك
تبقى بقلبـي (شيـخ) والعـوج (رعيـان)
شف كيف يا قلبـي .. بقلبـي ذخرتـك !!
وشلـون تنسانـي علـى درب الأحــزان
وشلون ؟؟؟ وانا اللي سنين .. انتظرتـك !!
مدري .. انا غلطان .. ولا انت .. غلطان ؟؟
بس اللي أدري فيـه .. إنـي خسرتـك !!
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
