لبى الغلا ،، (كتبتها قبل شوي)
،
،
متواضعه أمل ان تنال رضاكم
،
،
الغالي اللي كل ماجيت يمه
قفى وخلاني على الباب ملطوع
نفسي اسخن بالغلا شوي دمه
كوده يحس بضموة الحب والجوع
ويقبل عليه وارفع ايدي واضمه
واسوق له من صافي الحب ينبوع
واملا النظر من نبت ورده واشمه
ونتبادل الانخاب قرطوع قرطوع
اتوق له واظن شخصي يهمه
ونشبه بعض بالفكر والروح والنوع
لكن لو ادري في وجودي مااهمه
والله لااقفي منه قفاي جربوع
جربوع ٍ اقفى بعد ماسال دمه
قفا صويب ويلتفت خلف ممنوع
لكن مهما كان شكل المهمه
ومهما جعل هالغاليه تذرف ادموع
في ذمتي ذمه وذمه وذمه
انه يساوي من حلاياه مجموع
،
،
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
