وشبيت ناري في صحاري خلاها
وسط الفياض اللي بها أزهار وأعشاب
ريح الخزامى فايح(ن) في مساها
استرجع الذكرى على رأس مرقاب
وأرسم لقلبي صور 2014ة(ن) ما نساها
دنياك تلبس لك عبايـهـ وجلباب
وتخفي غدر سود الليال وجفاها
شفت القمر يوم اكتمل صار جذاب
نور ليال(ن) مظلمهـ في سماها
ترى العمر مثل القمر طل ثم غاب
أغنم حياتك لا تكدر صفاها
حافظ على الطاعهـ قبل يقفل الباب
ثم يتبين صحها من خطاها
اليوم فعل الطيب راعيـهـ ما خاب
عند الرجال اللي بعيد(ن) مداها
الطيب يبقى يا فتى الجود لو شاب
في شجرة(ن) سيل المكارم سقاها
والبيت ما يبنى بلا أوتاد وأطناب
ومن لا بنى يسكن مذاري هواها
راقت لي
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
