!! لو المشآكل حلها الدمع لاسآل .. آستغفر الله صآر دمعي عبآدهـ !!
http://center.jeddahbikers.com/uploa...2920169071.png
لاتسئليني عن سبب ضيقة البال
. . . مبطي وانا ماذقت طعم السعاده
ظروف خلت حالتي ماهي بحال
. . . كافحت ليما مابقت بي إراده
بنيت لي في عالم الصبر تمثال
. . . وباد الزمن تمثال صبري إباده
حاولت اوسع خاطري بلعب الاطفال
. . . وكل ماسليت شوي ضاقت زياده
لو المشاكل حلها الدمع لا سال
. . . استغفر الله .. صار دمعي عباده
لبكي بكا .. ضيقه ولوعه وغربال
. . . مابكي بكا .. خوف ٍ وذل وشراده
يابنت .. وديار البدو عشب ورمال
. . . ومسرى بليا شور كله جهاده
وانا سريت بوادي ٍ فوقه جبال
. . . الحر ماشاف الشبك يوم صاده
فيني بدوي طبعه ورى الخير رحال
. . . اكثر مقيمه فوق مركب شداده
يشد وينزل كل فتره بمنزال
. . . قربه صعب جدا وسهل ابتعاده
ان قال فرقا .. ماتراجع اليا قال
. . . ما تقدر الدنيـا تكسر عنـاده
فينا الولد .. يسوا ثمانين رجال
. . . فينا الكرم .. خلقه وسنه وعاده
وبالعشق اخذت اللي مواصيفها ثقال
. . . في زينهـا ماهي بحاجة شهاده
حبيبتي .. مازينوها بسلسال
. . . من زود ماتبرق تضيع القـلاده
اسود شعرها .. للبست فوقه الشال
. . . الشال الاسود .. ينصدم من سواده
ارجولها خلخال .. من دون خلخال
. . . خلقتها لفت انظار .. ماهي عماده
لو نفترض مرت على شارع الجال
. . . فاض البحر يشكي عليها وداده
الارض تهتز حدرها هز زلزال
. . . زلزالهـا تعشق حـدوثه بـلاده
فيها الحلا .. عايل على كلها عال
. . . ان سولفت بالليل انسى رقاده
بس المصيبه حظك الشين لا مال
. . . اليارقـد يابعـد والله قعـاده
وانا مع حظي .. بعض ناس عذال
. . . زادوا علي .. من النكاده نكاده
صحيح انا عايش .. ولو الحزن طال
. . . الحمد لله والشكر والشهـاده
الفضل لله .. عزني بكل الاحوال
. . . مـاذلني بحاجه تشمت إعباده
مير البلا ضيقات الوان واشكال
. . . لاجن خلني طريح الوسـاده
هذ انا . ياناشدتني عن الحـال
. . . من كثر ضيقاتي نسيت السعاده
الشاعر ثامر شبيب
منقول
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©