القلب لك ينادي
والروح بعدك سراب
كل الوجوه تغيب عادي
وانت غيابك عذاب
****************************
مرة أشكر الوقت
يوم الوقت لي جابك
ومره أكره الوقت
لا شعرت بكثرة غيابك
****************************
في غيبتك
كن الشقا عرش
وأنا فيه سلطان
وكن السعادة شعبي
اللي عصاني
****************************
في غيابك
أنا وقلبي نغتابك
نتكلم عن طيبتك
ودفا قلبك
وجلساتك
****************************
طريقي
عينك الحلوه
وبيتي
صدرك الدافي
ظلامي
غيبتك عني
وصبحي
وجهك الصافي
****************************
مجنون شافك
واصبح اليوم عاقل
وعاقل ترى في غيبتك
صار مجنون
****************************
قلبي المجروح من بعدك عطيب
ومن عقب فرقاك قلبي ما قوا
الجروح اليوم ما ظني تطيب
غير لا صرنا أنا وأنت سوا
ما يطيب الجرح لو جبت الطبيب
صار شوفك هو حياتي والدوا
كل همي ما أبيك عني تغيب
كن شوفك صار للخافق دوا
****************************
أبي تلمس دفا شوقي
وبرد الليل بعروقي
وأبي لحظة تحس إني
أموت حزن بغيابك
****************************
أرجع وأقول
إن ما صفا الوقت وشلون؟؟
"إن غبت عني عشت عيشة نكااااده"
وإن مت قبلك مت ماني بمحزون
يكفي بقربك ذقت "طعم السعادة"
وإن مت قبلي خافقي معك "مدفوووون"
عن الثرى جعله "لراسك وساده"
****************************
في غيبتك
يفقد الكون إنسان
و أنا في غيبتك
أفقد الكون كله
****************************
تغيب الشمس والناس تنام
يغيب القمر ويزيد الظلام
لكن تغيب إنت هذا حرام
****************************
غايب وقلبي يتبعه ..
وأن قلت أبنساه أخدعه ..
مهما قسى قلبه ..
حنون وحجة الغايب معه ..
****************************
اذا كان الهوى دنيا
انا بسكن نواحيها
وبزرع لك ورود الغلا
وماي العين يسقيها
وببني مسكنن عالي
على أطيب أراضيها
وبفرش لك من آمالي
دروب دوم تمشيها
وبقطف من السما نجمه
على دارك بخليها
****************************
بحجز على لندن
تذاكر وترحيل!!
وآخذ بدل هالقلب
قلب صناعي!!
قلبً صناعي مابه
إحساس وميل!!
وظيفته للدم
يعطي إندفاعي!!
والقلب الأول
برسله لك بمنديل
وأقول
خذ هذا
..السبب في ضياعي..
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
