اليك أيها الرجل .... موضوع اكثر من رائع..سيفرح قلبك ويريحه

اليك أيها الرجل .... موضوع اكثر من رائع..سيفرح قلبك ويريحه

http://www.dzbatna.com/vb/images/smilies/rose.gifhttp://www.dzbatna.com/vb/images/smilies/rose.gifhttp://www.dzbatna.com/vb/images/smilies/rose.gif



اليك أيها الرجل .... موضوع اكثر من رائع..سيفرح قلبك ويريحه


--------------------------------------------------------------------------------




اخواتي بالله

http://www.dzbatna.com/vb/images/smilies/rose.gifالسلام عليكم ورحمة الله وبركاتهhttp://www.dzbatna.com/vb/images/smi...8-dbttwedi.gif




اعجبني هذا المقال فأحببت ان نقرأه معاً

واكيد البعض سيقول :

لماذا لا يوضع في مكان يقرأه الرجال

انا عن نفسي سارسله لزوجي واخوتي

وابني الذي ما زال يدرس بالجامعه

حتي يشعر مع امه اكثر (الله يرضى عليه

وعلى جميع ابناءنا اللهم امين ) ومع زوجته

بالمستقبل .

واحب ان اسمع تعليقاتكم الحلوه مثلكم عليه.

وجزاكم الله خير مقدماً.http://bp2.blogger.com/_nrCMbZ93Lno/...-03%5B1%5D.jpg








أكيد كل الرجال شعروا بالرضا من رسالتى السابقة وتمنوا أن كل زوجة
تتبع ارشادات ونصائح الدكتورة جيهان وطبعا اصحابى الستات أتصلوا بيه وضحكو كركرة وقالوا لى انتى بتحلمى ان فيه ست تعمل كل اللى انتى بتقولى ليناعليه
رديت وقلت أنا مش عايزاه كله بالحرف يتنفذ ياريت يتنفذ ولو جزء منه
نعتبره بصيص من طاقة النور تدخل بيوت خيم عليها تراب وعنكبوت الاحزان
ألم يأن الأوان ان احنا نفتح البيوت دى وندخل لها النور
مش كفاية الضغوط الأقتصادية والضغوط بالعمل مع العملاء والرؤساء وضغوط الدروس والمصروفات
وضغوط سياسية حرق الدم كل مانفتح التلفزيون نلاقى جثث ودم وحرب وقتل
تعبنا وروحنا أنهزمت معدناش بنضحك من قلوبنا زى الأول ولا بنحس بقيمة الأيام
بقينا نقول أهى سنين بتعدى وتمر

. وفجأة نلاقى الشعر الأبيض زحف على رؤسنا واحنا فى آ خر المهمة هديتنا من الدنيا شنطة بلاستيك مسمينها كيس الأدويه

سكر موجود ضغط موجود حبوب دهون
ع الكبد موجود دوا قرحة المعدة ودوا القولون ودوا المرارة اللى انفقعت موجود
ودوا المفاصل والروماتيزم والام الضهر اللى انقضم موجود وقطرة العين ونقط السمع عشان ألتهاب الأذن موجود

ولو ان الدوا بتاع الأذن محدش بيشتريه بيحب وبيفضل يكون أطرش فى حاجات كتير
وأما هى دى الحصيلة ودى نهاية العمر
نعيش مرضى ومنكدين ليه؟؟؟؟؟؟؟؟
مرضى ومهمومين ليه؟؟؟؟؟؟؟؟؟؟؟
صعب اوى الحياة كدة
انا عارفة ان كتير مش عاجبهم كلامى وبيقولوا أهى عيشة والسلام
طيب ماتيجى نعيشها صح ماتيجى تحس بزوجتك وتخفف عنها وتعاملها زى مابتحب تعاملك
كم مرة طبخت لك طبخة حلوة وقبل ماتقعد على الأكل دخلت المطبخ تاخد منها وتساعدها بوضع الطعام؟؟

كم مرة أثناء الاكل أكلت وحضرتك مبتسم مش حاطط وشك بالطبق اللى بتاكل فيه وبأبتسامة جميلة تسلم ايديكى ياست الكل (مش هاقولك تقولها تسلم ايديكىياحبيبتى دة عرف ان عيب الراجل يقولها لمراته اللى متجوزها!!!!


كم مرة ؟؟؟؟
مش هاقولك تشيل الأطباق بعد الاكل أنا عارفة انك مابتصدق تدخل البيت عشان تاكل وتريح وتنام
هاقولك كام مرة وقفت جنبها او معاها وهى بتعمل شاى او تعمل اى مشروب ليكم عشان تقعدوا بعد الاكل تشربوه اى حاجة تجمعكم بعد الطعام عشان تعرف اليوم هى قضتيه ازاى ومر عليها ازاى؟؟؟؟؟؟؟؟


هل سألتها اتصلتى بوالدتك أزيها عاوزين نروح نطمن عليها؟؟؟

. كم مرة حبيت تود أهلها وترفع من شأن زوجتك أمامهم اى تتشرف بيك قصاد عيلتها؟؟؟؟؟

. كم مرة افتكرت مناسباتها وذكرتها ولو بهدية صغيرة؟؟؟

. طبعا غير عيد الام اللى على مضض بتشتروا الهدية ونفسكم تقوموا بمظاهرةلألغاؤه وسؤال جميل بنسمعه كل سنه منكم وليه مايكنش فى عيد أب
عامة ياسيدى الحكومة سميته عيد الاسرة ولو زعلان اوى هافكرك بينا أحنا الأمهات
أفتكر ألام لحظة الوضع وتسع أشهر الحمل وصعوبة التنفس وانا أحمل 12 كيلوفوق وزنى وأتحرك وأنام بيهم يأكلوا من طعامى ويتغذوا من دمى وأذوق أشدالألام عند خروجه للدنيا ورغم ذلك لاأحب أحدا كما أحبه وأتمنى بوصوله للعالم الخارجى بالسلامة

. فهل كتير علينا عيد الاسرة أن تتذكرنا زوجتك أو أمك بهدية؟؟؟؟؟؟؟؟؟؟؟

. كم مرة دفعت مصارف البيت ببسمة رقيقة بدون صراخ وزعيق وأهمية ترشيدالمصاريف واحنا مش حاسيين بالتعب اللى انت فيه و مش حاسيين القرش بيجى ازاى؟؟؟؟

. كم مرة فكرت ترفه عن زوجتك ولو مرة بالاسبوع مرتين بالشهر حتى مجرد تتمشى معها باى مكان فى الهوا الطلق على النيل فى اى مكان مش هاقولك تعزمها بمطعم غالى

. أخرجوا تنفسوا الهوا ومتاعب الحياة أتكلموا فى اى شىء يبعد شبح الصمتاللى معشش فى كل البيوت وهايدمرها ويوسع المسافات بين الزوجين
. كم مرة حسست زوجتك بأهميتها ليكم وان البيت ميقدرش يمشى من غيرها

. انت عارف ومقدر قيمتها لكن يجب ان تظهر لها اهميتها عشان تعطيكم اكتر وتعطى برضا مش واجب وخلاص ؟؟؟؟

. كم مرة حسستها أن معالم الزمن زادتها عقل وحكمة وحلاوة وهى بعينك لسه البنت الجميلة اللى كنت تتمنى تتزوجها؟؟؟؟؟


. كم مرة اتكلمت عن الماضى الجميل اللى جمعكم وان الدنيا لو رجعت للوراء سوف تختارها هى حبيبتك وزوجتك وأم أولادك؟؟؟؟؟

. كم مرة تعطرت واتشيكت وحرصت على مظهرك ونظافة اسنانك وجسدك وانت أمامهاوأنت معها ولم تردد كلمة خلاص عادى وهى غريبة عنى ماهى شيفانى وانا صاحى ومنكوش وشكلى مش غريب عليها؟؟؟


. لاطبعا النفس تعشق الصورة الجميلة المرتبة وتنفر من الصورة الغير مرتبه المشوشة

. لديها حق عندك يجب أن تخلص فى عطاؤه بكل أحساس وبكل صورة جميلة


. لاأريد أن أسهب حتى لايتهمونى بالتحيز للمرأة ولكنها أنا فنحن نفس الجنس

. فأستطيع أن أشعر مشاعرها وأتقن لغتها

. ومن يعترض من أخوانى الرجال لديهم عندى أقتراح

. رأيت ببرنامج اميركى رجل دائم الشكوى من زوجته وهى امرأة عامله مثله فحكم لها القاضى بعد عرض قضيتها أن يتبادلا الأدوار

. تبادل المهام مع زوجتك حتى تشعر بمدى تعبها أرجع من العمل على المطبخ ودور الغسالة وطبق الغسيل اللى جف من الحبل وضعه بالدولايب وأجرى حضرالطعام وشوف دروس الاولاد وطلبات البيت وهكذا وعند مرورك بتلك التجربه لاأرجو منك تقدير زوجتك فقط

. ولكنى دكتورة طماعة قدر من صنعتك رجلا وعملت منك زوج أمك فهى امراة ايضا وبهذا تحب زوجتك لتصنع أولادك كما صنعتك أمك ويجب أن تتذكرأن البيت عماده الزوجة السعيدة فهى تنشر من سعادتها على الجميع
. لنسعى جميعا لبيت يملأه الراحة والسلام
.

. ولكم منى كل الدعاء بالتوفيق والسعادة
. دكتور جيهان النمرسى

انتهى


كلام الدكتوره
************

ولكم في رسول الله قدوة حسنة

عندما قال عليه الصلاة والسلام:

(خيركم خيركم لاهله ، وانا خيركم لاهلي)

صدقت يا حبيبي يا رسول الله

عليك افضل الصلاة
واتم السلام

https://fbcdn-sphotos-d-a.akamaihd.n...93518507_n.png
موضوع حصري لمنتديات شباب باتنة