وطبخ الترمس , شرح طريقة تحضير طبق وطبخ الترمس
اليوم جيبالكم مش اكلة ولا طبخة
هو شئ من المقبلات او المسليات او التسالي زي الب او الفصفص او الفول السوداني
هو الترمس
http://www.dzbatna.com/vb/imgcache/13992.imgcache.jpeg
بكسر التاء مش بضمها
يعني مش الترمس الخاص بالشاي والقهوة
واحنا عندنا بمصر الترمس من الاساسيات في الصيف والاعياد
ياسلام علي الترمس وانت بتتمشي علي كرنيش النيل ولا كورنيش اسكندرية
في الصيف باليمون والملح وفي الجنينة ياسلام روعة
المهم
اولا احنا بنشترية من عند العطار او من السوبر ماركت
يعني انا شرياه من كارفور بيكون معبأ في اكياس الكيس حوالي كيلو
بتلقية في منطقة التوابل
او اسألي علية البائع اللي بيبع التوابل في السوبر ماركت
وعلي فكرة في منه الحلو والمر
بس هنا انا لقيت الحلو وده بيتاكل على طول بعد السلق
اما المر لازم غيري علية يومين او تلاتة بعد السلق
والمر مفيد جدا لمرضي السكر
اولا بنجيب الترمس وننقية ونغسلة
وبعدين ننقعة ليلة كاملة يعني من بليل للصبح
ودي الصورة
http://www.dzbatna.com/vb/imgcache/13993.imgcache.jpeg
وفي الصبح هتلقية زاد الضعف او اكتر
يعني لو كيلو هتلقيه حوالي 2 كيلو
ودي الصورة بعد ماتنقع ليلة كاملة
http://www.dzbatna.com/vb/imgcache/13994.imgcache.jpeg
وعلي فكرة لازم لازم يتنقع ليلة
علشان ما يغبش في السلق يعني لو منقعتهوش ممكن يقعد طول اليوم يتسلق
وبعدين في الصبح بنغير المية وبعدين نحطة في حلة ونسلقه علي النار
حوالي ساعتين او ساعتين الا ربع وممكن اقل
يعني كل شوية شوفية وطلعي حبة واتفحصيها لو استوت يبقي خلاص
اطفي علية النار
ودي صورتة بعد ما استوي
http://www.dzbatna.com/vb/imgcache/13995.imgcache.jpeg
وبعدين لما يبرد غيري علية المية
وعلي فكرة ماترميش ماية السلق حلوة قوي للشعر
اغسلي بها شعرك ممتاز
وحطي علية ماح وكمون وليمون
http://www.dzbatna.com/vb/imgcache/13996.imgcache.jpeg
وممكن تحطي علية ماية وملح وتحفظية في التلاجة بيقعد فترة كبيرة
وبالهنا والشفا
واتمني منكم دعوة حلوة بظهر الغيب
,'fo hgjvls < 'vdrm ulg
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
