المقادير:
جبن موزريلا مبشور للوجه
لـ البطاطس:
من 3 إلى 4 حبات بطاطس متوسطة الحجم
1/2 ك بقدونس مفروم
1/4 ك كريمة خفق
فلفل أسود مطحون - ملح
ماي للسلق
لـ حشوة الدجاج:
شوية زيت
نص كيلو صدور دجاج
بصلة متوسطة
فصين ثوم
حبتين جزر متوسط الحجم
مكعب ماجي
فلفل أسود محطون - كمون مطحون - كزبرة مطحونة - ملح
1 م ك صويا سوس
بقدونس مفروم
لـ البشاميل:
50 جرام زبدة
ا م ك زيت
2 فص ثوم مهروس
3 م ك طحين أبيض
2 ك حليب سايل
3/4 ك كريمة خفق
فلفل أسود مطحون - ملح
1 ك جبن موزريلا مبشور
الشرح طريقة:
لـ البطاطس:
http://www.dzbatna.com/vb/imgcache/4272.imgcache.jpg
نسلق البطاطس لين تصير ذايبة
بالغوا في مدة السلق لأنه كل ما صار البطاطس ألين كل ما كانت ألذ
http://www.dzbatna.com/vb/imgcache/4273.imgcache.jpg
بعد ما نسلقها نشخلها من ماي السلق ونتركها تبرد شوي
بعدين نهرسها بـ شوكة, إذا كانت مسلووقة واايد راح تنهرس بكل سهولة
نضيف لها كريمة الخفق + الفلفل الأسود المطحون + الملح .. ونكمل هرس
نعتمد على الذوق في تقدير الملح والفلفل
لما نوصل الطعم اللي نبيه نضيف البقدونس المفروم ونهرس
وبس صارت جاهزة
لذيذة كل شوي آكل منها http://www.dzbatna.com/vb/imgcache/4274.imgcache.gif
لـ حشوة الدجاج:
http://www.dzbatna.com/vb/imgcache/4275.imgcache.jpg
نقصص صدور الدياي لـ مكعبات صغيرة جدًا جدًا جنه مفروم
أحسن قطعوها واهيه شبه مثلجة يصير تقطيعها سهل ومرتب
نقصص البصل لـ مكعبات صغيرة بعد
بـ المقلاة .. نسخن شوية زيت وبعدين نحط عليه البصل مع رشة ملح
نقلب لين يصير البصل شفاف بدون ما يشقر عقب نحط عليه الدياي
http://www.dzbatna.com/vb/imgcache/4276.imgcache.jpg
نقلب الدياي مع البصل هلى نار متوسطة لين يصير أبيض ويبتدي ماايه ينشف
نهرس الثوم ونضيفه للدياي قبل لا ينشف واااايد يعني يكون رطب شوي
هي نخلي النار هادية
نضيف الماجي والملح والبهارات والصويا ونقلب كل شي مع الدياي
كمية البهارات والملح نعدلها حسب ما نبي
http://www.dzbatna.com/vb/imgcache/4277.imgcache.jpg
نبشر الجزر ونضيفه للدياي ونقلب
http://www.dzbatna.com/vb/imgcache/4278.imgcache.jpg
لما يذبل الجزر وينضج الدياي نبند النار
ونضيف البقدونس المفروم
حشوة بسيطة ويمي أحبها واستخدمها بـ واايد أشيااء
لـ البشاميل:
http://www.dzbatna.com/vb/imgcache/4279.imgcache.jpg
نحط مقدار الزبدة والزيت على النار لين تذوب الزبدة
نضيف كمية الطحين ونخليهم شوي يتحمصون تحميص خفيف جدًا
http://www.dzbatna.com/vb/imgcache/4280.imgcache.jpg
نشيل الجدر عن النار ونبتدي نضيف كمية الحليب بـ التدريج
لازم يكون الحليب دافي أو حار وما نضيف مرة وحدة
نحط شوي ونخلط لين يندمج مع الطحين ونحط شوي وهكذا لين نخلص
عقب نضيف كريمة الخفق ولازم تكون دافية أو حارة بعد
نضيفها بـ التدريج بعد
بعدها نضيف الثوم المهروس والفلفل الأسود المطحون والملح
ممكن تضيفون فلفل أبيض مطحون أو أي نكهات تحبونها
نرجع الجدر للنار
نخليه لين يثقل مع التحريك المستمر
أنا أحبه سااااايح فـ ما أخليه يثقل واايد
حطو في بالكم إنه يثقل أكثر عقب ما نبند النار عنه ولين ندششه الفرن
http://www.dzbatna.com/vb/imgcache/4281.imgcache.jpg
نبند النار عن البشاميل بعد ما يجهز ونضيف الموزريلا
نحركها معاه واهيه بـ تذوب مع الحرارة
http://www.dzbatna.com/vb/imgcache/4282.imgcache.jpg
ناخذ شوية من البطاطس بـ يدنا وعقب نحشيه بـ حشوة الدياي ونكوره
http://www.dzbatna.com/vb/imgcache/4283.imgcache.jpg
نوزع الموزريلا على الوجه
http://www.dzbatna.com/vb/imgcache/4284.imgcache.jpg
نصبّ البشاميييل عليهم
وندخل الصينية الفرن من تحت لين تاخذ لون وبعدين نشغلها من فوق
الغرض تحمير البشاميل بس
إذا غرفتوها على طول عقب ما تطلعونها من الفرن
بـ تجوفون إنه الكور بـ تنهرس ويخترب شكلها
شي طبيعي و صحي و صحي للغاية لأنها واايد حاارة
أحسن نطروها شوي تتماسك يعني تقريبًا 10 دقايق
عقبها راح تقدرون تغرفونها واهيه محافظة على شكلها
بس حاسبوا وانتوا تغرفون .. شوي شوي
http://www.dzbatna.com/vb/imgcache/4285.imgcache.jpg
بـ العافية
'vdri ulg ;vhj hgf'h's lu hg[fk hg[fk 'vdri
https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
