في ذمتك ماكني البارح غفيت؟؟
في ذمتك ماكني البارح ((دفيت))
في ذمتك ماكن عيني البارحة غمضت عن غيرتي؟؟
وماكنها قبل الغموض كانت تشكل حيرتي!
وترسم لعطرك سيرتي..
مره نثر
ومره شعر
أخاف أضيعك بداخلي
وأدورك بداخلي
وألقاك بروحي
غفيت..
ولميت لك (( بردي )) شعر
في ذمتك من قالك إني بكيت؟
أذكر أني بس غفيت
سامحني غفيت ...
### ### ### ###
ضمني بالحضن عن(( برد الشتاء))
و((دفني)) لاصارت الدنيا ((جليد))
ضمني بيدين مليانه(( دفا))
وأعطني حبك وغيره ماأريد
لامتى بصبر حبيبي لامتى ..؟
وأنت عن عيني بعيد؟؟
مااهتنى نومي ولا جفني غفا
اشتعل بركان وأشواقي تزيد
### ### ### ###
حبيبي مازرعت لك الشجر في داخلي من شان
تجي تاخذ من أعماقي ثمر وتغيب عن عيني !
أنا لولاي أحبك ماجعلت من الضلوع أغصان ..
ولا علقت عُشك في حشاي وقلت : (( عِش فيني ))
حبيبي ليه في فصل( ( الجليد ) ) تقاطع البستان ؟
وتتركني لـ وحدي و((الصقيع)) يقطّع ايديني
وإذا راح ((الشتا)) والثلج هرول وأورق الرمان
تجي تقطف ثماري ثم تستنزف شراييني ؟
### ### ### ###
غربه و((ثلج)) شعور وأنفاس دخان
تجتاحني والليل لـ الليل يشكي !
ليلي كِذا بـ ألوان ولا بلا ألوان
لو يحترق صمتي عليه بـ يبكي !
ممكن مـاعرفك ؟ لكن الصدق : عنوان
ممكن أعيشك ؟ لكن شلون بـاحكي .!
### ### ### ###
تمادى في ابتكار ((البرد)) و المنفى
تمادى واتمادى في خيالاتي
بـ صورك ((دفى )) أحضان لين اغفى
أو أنسج سيرتك موطن لـ آهاتي
أو استنزف طيوفك والطيوف أوفى
وأضمد بـ اللقا يا المبعد ذاتي
### ### ### ###
إنتظرتك...
ليه طولت الغياب؟؟؟
وأنت .. لامن غبت لحظــــــــات ..
أفقدك سيد الاحساس
حسك كيف غاب؟؟
كيف عن ((دافي)) شعوري يبعدك!!!
في ضلوعي .. ((بــــــرد))
وفي عيني .. سراااب
وألف طاري عن غرامي ينشدك
### ### ### ###
((حطب)) الفرح غض ..
و((جمر)) الحزن حراااق
والموت ماينتظر صدفة لقا أو حظ
وقبل الوهن يكتظ
وشعري سواده يحتظر
خلنا نسبق وقتنا
(( ترى العمر سرااااق )))
### ### ### ###
ذَهَب كل الكلام وفضته يوم السكوت نـحاس
قبل ما أشوفك أشوفك نهر من منبع عــذوبه
أحبك من زمان(( البرد)) .. أحبك من زمان اليأس
كثر ما أصحى من أيام الوله وأدخل فـ غيبوبه
تجي مثل العزا بعد العزا في غيبة الأعراس
وتروح اشبه بـ دمعة فـ الورق بـ الصمت مكتوبه
### ### ### ###
الحب ..
يضحكنا
يبكينا
يسعدنا
ويشقينا
ومن ذاق الهوى ماتاب
ولا ينفع ملام وعتاب
صحيح إن الهوى غلاب
ومن حب الهوى مره
يضل مرهون تحت أمره
على حلوه
على مره
على(( برده))
على ((جمره))
### ### ### ###
يالغايب الحاضر معي وسط الأفكار
يالمرتوي منّي .. وأخايل سرابك
أنت(( المطر(( وأنت(( البَرَدْ)) وأنت الأنهار
وشلون أضما بوقفتي عند بابك .؟
وإنت الفضا يالرحب .. والباقي أسوار
أضيق فيهم وأتفيّا سحابك
### ### ### ###
شوف انكسار الورد .. نبَّـت على يدي
((دفى)) جمود(( البرد)) ... و اشعلني بجوفه
ما قلت لك يا قلب .. تحلم على قدي
حلمك خذلني و حط خوفي على خوفه
### ### ### ###
خذني بحضنك يآآآه مبطي ماغفيت
وأن لمحت دموع عيني سو نفسك مالمحت
خذني بحضنك وبعثر في جروحي وإن قضيت
هزلي كتفي وقلي عيب تبكي لو سمحت
ضمني يمك وضحكني لامن بكيت
ودي أذكر كيف كانت ضحكتي لامن فرحت
### ### ### ### موضوع مقدم من منتديات ديزاد (منتدى الحصريات)
