خلطة رائعة زيوت للشعر كنت ابيعها والحين لكم هدية ....(للكبار والصغار)

خلطة رائعة زيوت للشعر كنت ابيعها والحين لكم هدية ....(للكبار والصغار)





السلام عليكم ورحمة الله وبركاته



انا مابي شي منكم الا تدعولي لو نفعت معاكم بان الله يسهل علي اموري

انا من فترة كنت ابيع هالخلطة رائعة ووايد وايد شروا مني مرتين وثلاث وقالوا حق رفيجاتهم وربعهم

بس حاليا تبعت وماني قادرة اسوي الزيوت لأن يتعبون ولازم نعبيهم بغراش وننظفهم وتعالي طحني المكونات وصفيهم زين ومادري شنو

تعب وحوسة الصراحة


حاليا بس موجهة اهتمامي حق خلطات الحنة للبيع وبس

اما الزيوت تركتها من زمان

فقلت افيدكم يمكن وحدة فيكم حابة تجربها


بس لااااازم تتقيدون بالشروط المكتوبة

وولا وحدة فيكم تقول مانفعتني بعدين وبالاخير تكون مو ماشية صح

انا ترى مالي ذنب ومن الحين اللهم قد بلغت اللهم فاشهد



اولا
اسم الزيت

( خلطة رائعة مجربة )
لأن جربته على نفسي وعلى اختي قبل لا ابيعه
ولو ماشفت نتيجة فظيعة جان ما فكرت ابيعه




التعليمات :
لازم تحطون الخلطة رائعة اول اسبوع بشكل يومي
ساعتين - 3 يوميا بس لكم يالكبار
وساعة - ساعة ونص بس يوميا للبنات الصغار
هالاسبوع علشان الفروة تتنظف عدل من الشوائب وتتغذى تغذية صح من الزيت

وفي الاسابيع الباجية تستعملونها بنفس عدد الساعات
لكن 3 مرات في الاسبوع بس
وهالاسابيع الباجي علشان يستفيد الشعر من الزيت على هداوة ورواق وما تتعبين عمرج ولا تملين يوميا

لأن لو صار الشي روتيني ويومي بتملين


وبتشوفون النتيجة بالنعومة واللمعة من اول استعمال
ونتيجة انبات الشعر وتطويلة بتبدي معاكم من ثاني الى ثالث اسبوع
كلوحدة وحسب طبيعة فروة راسها



الحين :
طول فترة اللي تستعملين فيها الزيت لازم تسوين التالي :

1- ممنوووووووع تمشطين شعرج واهوا مبلول
لأن البصيلات بتكون مفتوحة ومتوسعة بفعل الماي الحار فراح تطيح الشعرة وجنه العيد .

2- لما يكون شعرج معقد ومتشابك دايما تمشطين اللي تحت وتفككينه بعدين تصعدين لي فوق وتمشطين .

3- الزيت ممنوووووووووووع تنامون فيه ولا ترى بييب نتيجة عكسية ويطيح الشعر بدل لا يتقوى .

4- لو بتحطين بلسم لاتحطينه على جذور الشعر مباشرة
فركيه بايدج ودهني فيه الشعر من بره واطراف الشعر لاتدهنين الفروة بالبلسم .

5- دايما لما تغسلين شعرج وتخلصين فتحي الدوش على الماي البارد ورشي على راسج
علشان تنكمش المسام وتتسكر .





هالزيت يكفيج تقريبا شهرين الى 3 اشهر ويمكن اكثر لو التزمتي بشرح طريقة استخدامه
وانا زودت لكم المقادير لأن ادري فيكم كسالى ومالكم خلق كليوم تسوون الخلطة رائعة .
وطبعا تحاولون تدورون برطمانات زجاااااااااااااااج
مو اي نوع ثاني
زجاج بس لأن البلاستيك بيفرز مواد تضر الزيت مع الوقت وطول مدته


الحين مقادير الزيت ( كلها تلقينها بالحواي ) :
1- ...................كوب زيت الحبة السودا ( حبة البركة ) .
2- ...................كوب زيت الجرجير .
3- ...................نص كوب زين باراشوت الازرق السائل .
4- ...................7 ملاعق زيت خروع .
5- ...................7 ملاعق زيت لوز .
6- ...................ملعقتين طعام من بذور حبة البركة المطحونة طحن ناعم .
7- ...................ملعقة طعام حلبة مطحونة ( ماراح تبين ريحتها نهائيا ) .
8- ...................ملعقتين طعام سعتر مطحون .
9- ...................ملعقة طعام حرمل مطحون طحن ناعم .
10- .................ملعقة طعام بذور سفرجل مطحونه .
11- .................فصين ثوم مهروسين ومحموسين الى ان يصير لونهم اشقر .
12- ................. ملعقة طعام سدر مطحون .



( لاحظوا المقادير مافيها زيت زيتون )
لاتحطون زيت زيتون لأن ينشف الشعر حتى لو مفيد بس ينشف الشعر وحار على فروة الراس




تخلطون المقادير كلها مع بعض وتخلون الزيت يتخمر اسبوع في مكان مسكر ( لا بارد ولا حار )

ولما تبون تستعملونه لايكون تحطونه بالثلاجة ترى انا بعدين مالي شغل لو ماياب نتيجة
ولا تحطونه في مكان حار
خلوه في حرارة الغرفة لأن هالدرجة راح تكون مناسبة لفروة راسكم اولا
وبعدين ماراح تخرب الزيت.


المهم

الاستعمال :
اولا : تسوين مساج حق راسج لمدة دقيقتين او 3 .


ثانيا: تاخذين قطنة وتغمسينها بالزيت وتفركين فيها فروة راسج ( مو تصبين الزيت بايدج وتغرقين شعرج )
بس بقطنة مغموسة بالزيت وتفركين الفروة بس.


ثالثا : تاخذين شوية زيت بايدج وتفركين اطراف شعرج على شان التقصف يروح وينعم .


رابعا : حقكم انتوا يالكبار تحطونه يوميا من ساعتين الى 3 ساعات لا اكثر ولا اقل وبعدين تغسلون شعركم عادي,
حق النبات الصغار تحطونه من ساعة الى ساعة ونص وبعدين تغسلونه عادي.


خامسا : يفضل انكم تلبسون قبعة نايلون علشان لا ينشف الزيت بسرعة .



سادسا:

سبوح الهنا ياريتني كنت انا

النتيجة المبدئية المرضية بتشوفونها بعد شهر باذن الله وكلما طولتي باستعمال الزيت كلما زادت الفايدة طبعا
لاتنسون التغذية
ترى تفاعلها مع استخدام الزيت وايد حلوة وتمام التمام

انا جربتها على نفسي واستفدت
شعري طال بشكل كبير وسريع
ومن ثاني اسبوع من الاستعمال بديت احس بمنبت الشعر الصغير صوب يبهتي .



وتستاهلون بنات

يعطيكم العافية على طولة بالكم وقراية الموضوع الطويل
اذا نال موضوعي إستحسانكم لاتنسوا تقيمونيhttp://www.dzbatna.com/vb/images/smi...4-9ndhrgbt.gif

http://www.dzbatna.com/vb/images/smi...4-yds6b3uo.gifمنـــــقوووووول للفـــائــــدةhttp://www.dzbatna.com/vb/images/smi...4-yds6b3uo.gif

موضوع مقدم من منتديات ديزاد (منتدى الحصريات)

https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©