كيف تشيلين العلكه من الشعر

كيف تشيلين العلكه من الشعر



بسم الله الرحمن الرحيم

يا حبيباتي اليوم حبيت اعطيكم معلومه يمكن تحتاجونها

طبعا لو عندكم اطفال او انتي او اي احد تعرفينه

وجت العلكه بشعرك وش تسوين

انا عندي بنتين وحده 4 سنوات والثانيه 5 سنوات

طبعا الكبيره تمووووت بالعلكه وذاك اليوم عطيتها تعلك

وقاعده بغرفتهم على السرير تتفرج التلفزيون واختها الصغيره تحتها على الأرض متابعه طيور الجنه ومنسجمه والأخت الي فوق تعلك وتلعب بالعلكه تطلعها وتمغطها وترجها وفجأه طلعتها وطااااااااااااااحت على شعر الصغيره وجتني تبكي

وش اسوي وش اسوي حست وانا احاول اشيل العلكه من شعرها وانا منهمكه بالمعركه مع العلكه وهي ياعمري تصيح يعورني يعورني
جت لشغاله ايش في مدام

قلت لها بشعرها عكه خلاص جيبي مقص نقص الشعر

قالت لي لالا مدام حطي زيت
قلت زيت كيف
وراحت جابت الزين وحطيناه على الشهر وكثرت شوي على الخصله الي فيها العلكه ومسكتها بيدي واكأني افرك بشويش واسحب الخصل شوي شوي بعد ماحسيت انه بدى العلك كأنه يذوب جبت المشط وبشويش مشطت الخصله ورااااااااااااح
من دون ما تصارخ المسكينه

والله اني استغربت كيف انشالت العلكه من الشعر
وحبيت افيدكم بالطريقه هذي لو احتجتوها بيوم

بس تذكروني وادعولي بالمغفره

موضوع مقدم من منتديات ديزاد (منتدى الحصريات)

https://fbcdn-sphotos-d-a.akamaihd.n...93518507_n.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©